tutdu.-Zərifə, sənə kim deyib ki, Leyla sənin arxanca danışır?
-Nə bilim, özündən soruş. Danışanda yanında kim olubsa...-Zərifə Leylaya baxaraq təəssüflə-Heç sənə yaraşdırmadım,-dedi,-sən də qızsan, sənin də mənimkilər kimi qardaşların ola bilərdi, sənin də başına mənim başıma gələnlər gələ bilərdi. Onda sənə xoş olardı?
Bunu deyən Zərifə ağlaya-ağlaya pilləkənləri düşməyə başladı. Kənan da onun arxasınca düşdü. Leyla isə hıçqırır, sinəsi tez-te qlxıb enirdi. Özünü divara söykəmiş şəkildə gözləri bərələ-bərələ onların arxasınca baxırdı. Onu belə görmək hələ də məsələdən tam agah ola bilməyən Ələddini incidirdi.
-Ağlama, mən sənə inanıram. Onlar da əvvəl-axır biləcəklər ki, sən onun arxasınca danışmamısan.
-Sən necə üzsüz, ikiüzlü adamsan, ə?-Leyla gözlərini pilləkəndən çəkib qəzəb və kinayə ilə ona baxdı.-Guya bilmirəm, bunlar sənin işlərindir?
-Nə?-deyə Ələddin təəccüblə geri atıldı.
-Nənə! Mənim yanımda eşitdiklərini gedib Zərifənin ovcuna qoymaqla nə keçdi əlinə?
-Leyla, sən nə danışırsan? Mən heç söhbətin nədən getdiyini də bilmirəm.
-Mən sənə inanıb ən yaxın rəfiqələrimdən gizlətdiyim sirrimi sənə danışdım. Sən mənə bunu eləyəcəkdin? Amma günah məndədir axı, sənin kimi sevgidən anlayışı olmayan birinə niyə sirr verirəm ki, o da aləmə car yayır?!-Leyla bunu deyib pillələri düşməyə başladı.
-Leyla,-deyə Ələddin də onun arxasınca düşdü, onu saxlayaraq,-birincisi, mən Zərifənin nə dediyini eşitməmişəm. İkincisi də məni gözündən çox kiçildirsən. Mənim də ürəyim var, mənim də hislərim var.
-Nə anlayışın var e, sənin sevgidən?!-Leyla ona baxıb kinayə ilə gülümsündü.-Sənin üçün sevgi nədir? Biologiya kitabları, test blankları, olimpiadalar?
-Fədakarlıqdır,-Ələddin onun gözlərinə baxaraq biraz səsini qaldırdı,-sevdiyinin gözlərində başqasını görüb susmaqdır. Ahın ona ziyan verməsin deyə nəfəsini yarıda saxlamaqdır.
Ələddinin baxışlarından yenə narahat olan Leyla gözlərini qaçırıb kinayə ilə:
-Nakleyka şəkillərindəki sözləri əzbərləməklə deyil e, çıraq.