digərlərinə baxan Mehdi oldu ki, Kənan onu da yola salıb qapını örtdü.
-Keçin oturun.-deyə qızlara yer göstərdi.
-Yox, belə yaxşıyıq.
Canlarını qorxu alan Qəmərlə Günel qəzəb dolu baxışlarla Nigara baxırdılar. Nigar isə onların baxışlarını öz üzərində hiss eləsə də onlara tərəf baxmamağa çalışırdı. Leyla biraz təlaş, biraz da təəccüblə gah Kənana, gah da Zərifəgilə baxırdı. Ələddin isə əlləri cibində özünü Yusifgilin partasına söykəyib sakitcə olacaqları gözləyirdi. Hamının gözləmə vəziyyətində olduğunu görən Kənan əvvəl üzünü qabaq sırada oturub başlarına gələcəkləri gözləyən Qəmərgilə tutub:
-Qızlar, sizə arxamı çevirdiyim üçün bağışlayın,-dedi,-amma sonra buna görə mənə minnətdar olacaqsınız.-sonra üzünü onu dördgözlə gözləyən digərlərinə tutdu.-Deməli belə həzərat, sizi bura yığmaqda məqsədim bu gün olan, amma xoş olmayan məsələni aydınlşdırmaqdır. Leyla Zərifə haqqında ağzına gələni danışıb,-bu vaxt etirazla başını bulamağa başladı, Kənan isə əlini dodaqlarının üstünə qoyub ona gözləməsini işarə elədi,-bu da gedib Zərifənin qulağına çatıb, o da durub Leylanın üstünə gəlib ki, sən mənim haqqımda niyə ağzına gələni demisən? Sağolsun, Mehdinin sayəsində mən də olanlardan xəbər tutdum və özümü qızlara yetirəndə eşitdiklərimdən dəli olub Leylaya o ki var acıqlandım. Sonra arxamca gələn Ələddin birtəhər Leylanı əlimdən aldı. Sonra mən Zərifə ilə oradan aralandım. Amma daha sonra eşitdim ki, məsələnin ucu gedib Ələddinə qədər çatıb ki, guya Leylanı Zərifəyə Ələddin satıb. Deyəcəksiniz ki, bunları bizə niyə danışırsan, biz bu işin içindəyik, bunları bilirik. Amma yox əzizlərim, Kənan, Zərifə, Leyla və Ələddin-bunlar yalnız pərdə önündə olann aktyorlardır, amma pərdəni aralayanda görün senaristlərimiz kimlərdir,-deyə Kənan söykəndiyi yerdən dikəlib artıq şəhadətlərini gətirmək üzrə olan qızları göstərdi,-Qəmərlə Günel.
-Mən bunları öldürəcəm, vallah öldürəcəm!-deyə Leyla onların üstünə şığımaq istədi.
-Leyla dayan, Leyla eləmə.-deyə Kənan onun qabağını