a olduqlarını dedilər və nə olduğunu xəbər aldılar.

-Aygün müəllimə çağırır,-deyə gələn oğlan dilləndi,-dedi ki, Əliyə de, yazdığı şeiri də gətirsin.
Ayan sinifdən çıxaraq təşkilatçının otağına doğru üz tutdu. Əli də şeir yazdığı vərəqi tapıb onun arxasınca çıxdı. Dəhlizdə üzü sinfə gələn Xatirə müəllimə ilə rastlaşdı. Bu vaxt Ayan artıq pilləkənlə yuxarı qalxmaqda idi. Salamlaşandan sonra Xatirə müəllimə danlayarcasına:
-Ay Əli, ay Əli, testləri nə gündə eləmisən?-deyə başını bulaya-bulaya əlindəki test blankını ona göstərdi-Biz axı səninlə belə danışmamışdıq.
-Müəllimə, mən o mövzunu yaxşı başa düşməmişdim.-Əli utanaraq gözlərini yerə dikdi.
-Əli, bəhanə eləmə. Sənə demişəm ki, nəyi başa düşmədim, nədə çətinliyin oldu, yaz zəng elə, ya gəl məktəbdə soruş. Bir də tutaq ki, tabeli mürəkkəb cümlələri başa düşməmisən, bəs təkrarlar? Testlərin haradasa yarısı səhvdir. Biz səninlə razılaşmışdıq, sən söz vermişdin ki, hazırlığa gəlməsən də özün hazırlaşmağa davam eləyəcəksən. Səni başa düşürəm, çətin günlər keçirmisən, amma sən də ananı başa düş. O da səni nə çətinliklərlə böyüdüb. İndi istəməz ki, oğlu belə birdən-birə qəddini büksün, həyatına, dərslərinə qarşı belə laqeyd olsun. Özünə gəl, həyatına da qaldığın yerdən davam elə. Nə qədər ki, gec deyil, dərslərinə fikir ver. Yoxsa sənə haqqımı halal eləmərəm.
Əli gözlərinin yaşardığını bildirməmək üçün üzünü yan tutub dodaqlarını bir-birinə kip sıxmışdı. Xatirə müəllimə haqlı idi. O anasına görə sevdiyi qızdan əl çəkmişdisə anasına görə də həyatına davam eləməli və gələcəyini qurmalı idi.
-Narahat olmayın, müəllimə. Sizə verdiyim sözün üstündə durmuşam, oxuyacağam.
-Afərin, mən də səndən elə bunu gözləyirdim.-gülümsəyərək əlini onun çiyninə vuran Xatirə müəllimə-Deyəsən, harasa gedirdin?-deyə maraqla soruşdu.
-Bəli, Aygün müəllimə çağırmışdı.
-Yaxşı, mən səni tutmayım. Testlərini aparıram, sinifdə götürərsən.
-Yaxşı, müəllimə.-deyib Əli başını yelləyərək ondan uzaqlaşdı. Xatirə müəllimə ilə danışmaq onu