i bilmədim. Nə istəsən. de görüm nə muştuluqdur?
-Müəllimlər otağınını qabağında Mirvari müəllimə ilə Esmira müəllimə danışanda eşitdim. Sənə qızıl medal düşürmüş
-Nə yaxşı?-Ələddinin gözləri parıldadı.-Gözləyirdim, amma inanmırdım. Yaxşı, de görək muştuluğuna nə istəyirsən?
-Heç nə.
-Olmadı ki, sən muştuluq istədin, mən də dedim ki, nə istəsən.
-Mən də dedim ki, heç nə.
-Çıraq, yaxın onillikdə buralara gəlmək fikrin var?-Kənan narazı halda onu səslədi.
-Fikirləşərəm.-deyə Ələddin gülə-gülə onlara yaxınlaşdı. Sonra qızıl medal alacağı xəbərini onlarla da bölüşdü. Elə bu vaxt İsmayıl düşüncəli halda ona yaxınlaşıb danışmaq istədiyini bildirdi. Mehdi ilə Kənanın narazılığına baxmayaraq Ələddin yenə də onlardan aralandı.
-Çıraq,-deyə İsmayıl onu bir küncə çəkib narahat halda yerində vurnuxaraq dedi,-sən bu dəfəki sınaq imtahanına eyni adamla düşəcəksən yəqin?
-Hə, Sevillə.-onun nə demək istədiyini başa düşməsə də Ələddin başı ilə təsdiqlədi.
-Səndən bir xahişim olacaq.
-Ona kömək eləyim?-deyə Ələddin ona göz vurdu.
-Hə. Amma bu aramızda qalsın, başqalarının xüsusilə də onun bilməsini istəmirəm.
-Narahat olma, sən deməsə idin də mən ona kömək eləyəcəkdim.
-Onda elə bil ki, mən sənə heç nə deməmişəm.
-Smayl, madam ki, onu hələ də sevirsən, bəs niyə...
-Çıraq, srağagün özün dedin ki sevgi gəlib keçicidir, əsas ailədir. Ailəmiz bizim üçün fədakarlıq elədiyi kimi bəzən biz də onlar üçün fədalarlıq eləməli oluruq.-İsmayıl susub köks ötürdü, sonra yenidən sözünə davam elədi-Gələn ay toyudur, imtahanlardan kəsilsə bir il boş-boşuna məktəbə gəlib-getməli olacaq.
-Narahat olma, mən əlimdən gələni eləyəcəm.
-Çox sağol.-İsmayılı əlini onun çiyninə vuraraq razılıq elədi.
Elə bu vaxt Mirvari müəllimə sinfə girdi. Onu görcək hamı sonuncu dəfə salamlaşmaq üçün ayaq üstdə durdu. Mirvari müəllimə onları belə görüb gülümsədi, gözləri doldu. Adətən soyuqqanlı və məsafəli olan Mirvari müəllimənin gözlərindəki kədərli təbəssüm çoxlarını kövrəltdi.
-Salam