asılıdır. Səni sevirəm.
Sevinc qulaqlarına qədər qızarmışdı. Onu sevdiyini necə deyəcəkdi?
-Mən də...
-Sən də nə?
-Off, Yusif. Mən də səni sevirəm.
-Allahım, mən yuxudayam? Allahım, sənə min şükür. Bundan sonra canımı alsan da olar.-Yusif gözlərini yumub üzünü tavana tutmuşdu. Sözün əsl mənasında xoşbəxt idi.-Bu mənim bu genə qədər aldığmı ən gözəl ad günü hədiyyəsidir.
-Yusif.
-Haycan?
-Olar, bunu hələlik bizimkilər də, sizinkilər də bilməsin.

-Necə istəyirsən, sevgilim.
-Sevgilim demə. Mən hələ bu sözə öyrəşməmişəm. Dost de.
-Necə istəyrisən, dostum.
Bayırda isə Xavər xala Sevincin hələ də içəridə olmasında narahat idi. Sevinc Ayn üçün içəri girmişdi, amma çölə çıxalı artıq beş dəqiqə idi. Xavər xalanı bu qədər narahat eləyən səbəb isə Yusifin az əvvəl burada olması və içəri girməsi idi. Çox keçmədi ki,Yusif yuxarıdakı izdihamı yara-yara aşağı düşdü və gəlib sinif yoldaşlarının yanında dayandı. Heç bir-iki dəqiqə keçmədi ki, Sevinc də aşağı gəldi və anasına verdiyi hədiyyəsini geri aldı. Anası ondan harada olduğunu xəbər aldıqda isə o, Xatirə müəllimə ilə söhbət elədiyini dedi. Bu cavab Xavər xalanı qane etməsə də o daha heç nə demədi.
Ürəyim sənin üçün nalə etsə də
Ürəyim qarşında boyun əysə də
Sevginin dadını mən də görsəm də
Həyatımı səninlə arzu etsəm də.
Bilirəm, bilirəm, mənim qismətim deyilsən.
Aygün müəllimə bu gün əməlli-başlı bir-birinə vurmuş, son zəngdə çalınacaq diskləri də qarışdırmışdı. Artıq ikinci dəfə idi ki, məktəbə aid mahnı yerinə Elnurun ifası səslənirdi.
-Aygün müəllimə də Elnurun fanatı imiş.-deyə Mehdi gülə-gülə sinif yoldaşlarına baxdı.
Bu Oqtay müəllimi əsəbləşdirmiş, gözlərini bərəldərək tərs-tərs ona baxırdı. Aygün müəllimənin ikkinci səhvi isə sanki İsmayılla Sevilə həsr olunmuşdu. İsmayıl özündən ixtiyarsız nəzərlərini Sevilə yetirir, çarəsiz halda köks ötürürdü. Mahnıda deyildiyi kimi bilirdi ki, Sevil onun qisməti deyil, amma bununla razılaşa bilmirdi.
Sıra müxtəlif nailiyyətlərinə görə fərqlənən