şey xahiş eləyəcəm. Həkim vitaminləri yazsın, mən də alıb gətirib sənə verəcəm, sonra da gedəcəm. Sən də onun ərindən zadından kimi tapırsansa çağır, gəlib aparsınlar. Mənim haqqımda ona heç nə demə. Onu bura kimin gətirdiyini soruşsa, de ki, tanımıram, ortayaşlı bir kişi idi, dərmanları da o aldı, amma sonra çıxıb getdi.
Bir xeyli fikirli-fikirli İsmayılı süzən Kənan başını yelləyərək:
-Narahat olma, səni başa düşdüm. Sevil heç nə bilməyəcək.-dedi.
-Çox sağol,-deyib İsmayıl əlini onun çiyininə vurdu,-indi isə gedək, görək, həkim nə yazır.
İlkin maşını gözəllik salonunun qabağına çəkib Ayanla Reyhanın çıxmasını gözləyərkən digər tərəfdən də güzgüdən özünə baxaraq telinə sığal çəkirdi. Çox keçmədi ki, Ayanla Reyhan ard-arda salondan çıxdılar. Onları görcək maşından düşən İlkin gözlərini Ayandan çəkə bilmir, sevgi ifadə edən gözlərlə ona baxıb gülümsəyirdi.
-Çox gözəlsən.-deyə ona yaxınlaşmaqda olan nişanlısının əlindən tutdu.
-Sağol.-Ayan gülümsəməyə çalışaraq gözlərini qaçırdı.
İlkinin gözlərini Ayandan çəkmədiyini görən Reyhan:
-Yeznə, deyirəm bəlkə salonun pulunu verəsən? Daha qızı verdik də sənə, bundan sonra doyunca baxarsan.-deyə kinayə ilə dilləndi.
-Hə, deyin görək məni nə qədər xərcə salmısınız?-gözlərini Ayandan çəkən İlkin gülə-gülə Reyhana baxdı.
-Vallah, Ayanı deyə bilmərəm, şəxsən mən ancaq sadəcə saçımın modeli ilə maraqlandım, xərci ilə yox.
-Onda nişanlını çağır, xərci ilə də o maraqlansın.-deyə İlkin kinayə ilə Reyhana baxdı.
-Nç, nç, yeznə dedik bağrımıza basdıq, o da xəsis çıxdı.
-Yaxşı, yaxşı, zarafat eləyirəm, siz maşına minin, gəlirəm indi.-deyə İlkin Ayanın əlini buraxıb salona girdi.
Ayanla Reyhan maşına oturdular. Ayanın narahat və dalğın siması bacısının gözündən yayınmışdı. Odur ki, maşına oturar-oturmaz:
-Ay qız, aç da bu qaş-qabağını! Görən də deyər, səni zorla ərə veririk.-deyə arxadan onu dümsüklədi.
-Nə olub e bacı?-Ayan narazı şəkildə arxaya döndü.-Prosto biraz həyəcanlıyam, özümü hələ evliliyə hazır hiss