ı buladı,-prosto belə danışmaq onun həmişəki adətidir.-dedi.
Saat artıq birə işləməkdə idi. Yeni gün ilk dəqiqələrini yaşayırdı. Gəlin maşınının ünvanına yetişməsinə isə az qalmışdı.
-Hə qardaş, uje çatırıq,-deyə kişi bir sağ tərəfində oturmuş qardaşına, bir də güzgüdən arxada oturan İlkinlə Ayana baxıb gülümsədi,-deyirəm ki...
-Yavaaşşş!
-Əkbər, rolu fırlaa!
-Aaaayy!
Saniyələr sonra bu son qışqırıqlardan geriyə sadəcə sağ qapısı əzilmiş kamaz, tanınmaz hala düşmüş gəlin maşını və maşından beş-altı addım yana düşmüş ağ gəlinlikli Ayan qalmışdı.(Həyat məktəbi)
(Yüz) İkinci hissə
Yeni günün ilk saatı tamamlanmaq üzrə idi. Saat ondan görüşüb dərdləşən İsmayılla Yusif üçün zaman su kimi axmış və onlar vaxtdan xəbərsiz şəkildə gəzişməkdə idilər.
-Sən nə vaxt evlənirsən?-İsmayıl maraqla Yusifə baxdı.
-Hələ nə evlənmək? Universitet qurtarmalıdır, əsgər getməliyəm, sonra gəlib iş tapmalıyam.-Yusif əlini havada yellədi.-Ölmə eşşəyim, ölmə. Hələ evlənmək qismət olsa.-deyə ardınca da köks ötürdü.
-Niyə qismət olmur ki?
-Əşi, qayınata yaman çıxdı. İmkanı olsa, toya qədər heç qızını da göstərməz.
-Düzələr, fikir eləmə. Əsas odur qızı sənə verib, nişanlamısınız.
-Əşi, elə verdi də. Ailəliklə qapılarının dabanını sürtdük, uje qonum-qonşu da dilə gəlmişdi.-araya sükut çökdü. Yusif maraqla İsmayıla baxıb-Sən danış e, səndə nə var, nə yox? Bəs sənin evlənmək kimi bir fikrin yoxdur?-deyə soruşdu.
-Yox e, nə evlənmək? Mən sultanlığımı yaşayıram.
-Niyə, Esmadan, Ayşedən, bir tük qızı tapmadın oralarda?
-Nç, türk almaram. Əslində alaram e, prosto evdəkilər qoymaz. Öz qızlarımızın suyu çıxıb deyə danışarlar. Xasiyyətlərini bilirəm də.
-Vabşe deyirəm, sevgilin də yoxdur?
-Sevmək, sevilmək, hamısı boş şeylərdir. Ağlın varsa, gəz, toz, sonra da tapsınlar bir qız, evlən.
-Hə, ağzım bərk yanıb deyirsən?-Yusif reaksiyasını öyrənmək üçün maraqla ona baxdı.
-Yoox, niyə yansın ki?-İsmayıl (guya) onun nə demək istədiyini başa düşməmişdi.
Elə bu vaxt onlardan on beş-iyirmi