baxdı.
-Onun da vəziyyəti ağırdı, biz əlimizdən gələni eləyirik.-deyən həkim içəri qayıtmaq istəyirdi ki, qapıda təlaşla çölə çıxan tibb bacısı onun görüb nəsə pıçıldadı və o da onun arxasınca cəld içəri girdi. Bir neçə dəqiqədən sonra yan otaqdan başqa bir həkim çıxdı.
-Gəlinin yanındakı xanımın ən yaxın qohumları?-deyə oradakılar baxdı.
Bayaqdan bacısını ovudan Gülşad xala və bir kənarda duran Xəyal dillənərək irəli çıxdılar.
-Çox şükür ki, həyati təhlükəsini sovuşdura bildik. Ayaqları sidenyanın altında sıxışıb qaldığından əzələ və damarları zədələnib, bir müddət gəzməsi ilə bağlı problem ola bilər. Amma uşağı xilas eləyə bilmədik.
-Nə uşaq?-deyə Xəyal heç nə anlamamıştək həkimə baxdı.
-Bilmirdiniz, yoldaşınız beş həftəlik hamilə idi?
Sanki dünya Xəyalın başına fırlandı. Yerində səndələyib gözlərini yumaraq özünü divara söykədi.
-Həkim, uşaq bizim gözümüzdə deyil. Əsas odur mənim qızım xilas olsun.-deyə Gülşad xala ağlamsındı.
-Hər şey Allahın əlindədir. Ona görə də dualarınızı əksik eləməyin.
Biraz sonra digər həkim də çıxdı. İlkinin əmisi də ölmüşdü, atasının vəziyyəti isə ağır idi. Çox keçmədi ki, Ayanın vəziyyəti də bəlli oldu. Az əvvəl o dünyadan güclə qaytarılan Ayan komaya düşmüşdü. Bunu eşitcək Dilşad xala ilə Reyhan özlərinə əl qatdılar. Akif əmi isə özünü çölə atdı, Ramin də doluxsanmış halda atasının dalınca çıxdı. Bütün bunlar isə Məleykə xalanın gözləri qarşısında olurdu. Bu hadisə onun gecə növbəsində olduğu günə təsadüf etmişdi. Biraz əvvəl canını tapşıran İlkinin üzünü örtəndə əsgərlikdə olan oğlunu yadına salaraq özünü saxlaya bilməyib ağlamışdı. Amma yazıq qadın nə biləydi ki, öz oğlu da hansısa bir xəstəxanada canı ilə əlləşir.
Bu gecə çoxları üçün uzun oldu. Oğlunun ölümünə heç cür inana bilməyən Səkinə həkim üçün də, qızının xoşbəxtliyini arzulayarkən bu cür bədbəxt olması və komaya düşməsini qəbul eləyə bilməyən Dilşad xala üçün də, səhərə qədər yoldaşı və digərləri üçün dua eləyən Xəyal müəllim üçün də, yorğunluq və çarəsizlik