öpdü.-Yaxşımı?
Xatirə gülümsəyərək başını yelləsə də gözlərində kədər var idi. Xəyal sağolllaşaraq çıxdı.
-Sürpriz?-deyə tək qalan Xatirə əlini qarnının üstünə apararaq öz-özünə danışmağa başladı.-Mən də sənə sürpriz eləyəcəkdim, amma alınmadı,-ağlamsındı,-bağışla məni.Gülə-oynaya ər evinə yola saldığı qızının sorağını xəstəxanadan aldığı gündən Dilşad xalanı gözünün yaşı qurumurdu. Günləri yas evi ilə xəstəxana arasında keçən bu qadın bu on gündə sanki on il qocalmışdı. Həmişə baxımlı, özündən razı görünən, çoxlarına yuxarıdan aşağı baxan Dilşad həkimdən əsər-əlamət qalmamışdı. Tale onu yenidən iki il əvvəl işdən çıxarıldığı xəstəxanaya gətirmişdi. Qızının canı Allahdan sonra bəyənmədiyi, çörəklərinə bais olduğu üçün işdən atıldığı həkimlərin əlində idi. Bu isə onu daha çox qorxudur, narahat edirdi. Xain xoflu olar, deyərlər. Ona görə də vaxtının çoxunu qızının yanında keçirirdi.
-Səni ağ gəlinlikdə görəndə dedim ay Allah, mənə bu günü göstərdin ki, daha bundan sonra canımı alsan da olar. Kaş Allah orada mənim canımı alardı, səni bu halda görmək mənə qismət olmazdı. Kaş Ilkinin yerinə Allah mənim canımı alardı, sən bədbəxt olmazdın. Sən çox vaxt məni başa düşməmisən, razılaşmamısan, mənsə həmişə sənin, sizin xoşbəxtliyinizi istəmişəm. Ilkini istəmədiyini bilirdim, çünki gəncsən, hələ ki, həyata başqa cür baxırsan. Amma qızım, inan ki, sevgi qarın doyurmur, sevgi heç də həmişə xoşbəxtlik deyil. Sən bunu çox sonralar başa düşəcəkdin. Övladının istədiyi şeyləri ala bilməyəndə, onu başqa uşaqlardan əksik görüb gözünün içinə baxa bilməyəndə, başa düşəcəkdin ki xoşbəxt deyilsən. Ona görə də bezi səylərin gedişini dəyişməyə çalışdım, səni ürəyinə qarşı gəlməyə məcbur elədim. Dedim bəlkə xoşbəxtliyin təkcə sevgidə yox, həm də puldan olduğunu başa düşərsən. Amma həyat mənə qarşı elə bir gediş elədi ki. Mənim elədiklərimə görə sən cəzalanmalı deyildin. Cəzalanmalı biri varsa o da mənəm. Allahım, məni övlad dağı ilə sınama. Onlar mən olmadan da yaşaya bilərlər, amma mən