də ora qədər yorduq.
Sanki Ələddinin başına keçən dəfəki gündən vurdu. Yenə səndələdi, nəfəsi daraldı, yenə ağlına eyni şeylər gəldi. O bu gün zahirən olan incikliyini dilə gətirməyəcəkdi, Leylanın qəlbini qırmayacaqdı. Amma Leylanın sonuncu cümləsi sanki onun şübhələrinə möhür vurdu, özünü ələ salınmış, istifadə olunmuş kimi hiss elədi. Geri dönüb biraz incik, biraz da kinayəli şəkildə:
-Yorduq nədir, həm də təəccübləndirdiniz.-dedi,-Mən orada sə...
-Bilirəm, kitabları götürməyə mən gələcəkdim, amma elə alındı ki Ilahə gəlməli oldu. Bir də Iloş sənə "sən" deyə müraciət eləyib, bu da sənin xoşuna gəlməyib. Bu biraz sənə qəribə gələ bilər, amma əmim qızı sən fikirləşdiyin şit qızlardan deyil. Sadəcə çox səmimidir, olduğu kimidir. Əslində tanısan, necə biri olduğunu görəcəksən.
-Leyla,-Ələddin biraz ona sarı gələrək amiranə tərzdə dilləndi,-mən o qızla maraqlanmıram! Bunu sən də, Ilahə də, elə Kənan da başa düşün, artıq! Kənan "Rayona gedirəm." bəhanəsi ilə "kitabları get Leyladan götür."dedi. Mən də parka gəlib Leylanı gözləyirəm, kimi görsəm yaxşıdır? Ilahəni. Maraqlıdır niyə? Cavab verim? Siz ikiniz bu qızın sağlığından, mənim də axmaqlığımdan istifadə eləyib bizi görüşdürüb başımızı bağlamaga çalışırsınız.
-Ələddin, sənin nə danışdığından xəbərin var?-Leyla eşitdiklərindən bərk əsəbiləşmişdi.
-Əlbəttə var. Bəs sizin elədiklərinizdən xəbəriniz var?
Yaxşı, başa düşürəm, bu qızın məndən xoşu gələ bilər, amma bu o demək deyil ki siz bunda istifadə eləməlisiniz. Bir də eşitmişəm, əmin qızına bol-bol məndən danışmısan. Bəs ona mənim sənə qarşı olan hislərimdən də danışmısanmı? Yoox, sərf eləməz axı. Bəs onu mənə sırımaq, məni özünə bu qədər yaxın buraxmaq sənə sərf eləyər?
-Eee! Səninki lap ağ oldu!-qəfildən blokun qabağında görünən Ilahə Ələddinlə Leylanı həm diskindirmiş, həm də təəccübləndirmişdi. Gözlərinin dolmağı və üzündəki əsəbilik onun bayaqdan bu söhbətə qulaq asdığından xəbər verirdi.-Sən özünü nə hesab eləyirsən?
deyə Ələddinin üstünə