Dünya düzələn deyilən ki?”demə! Dəyişməyə özündən başla! Əgər sən özünü dəyişməyə başlasan, yavaş-yavaş ətrafının da dəyişdiyini, sənə uyğunlaşdığını görəcəksən.
Xatirə müəllimənin dediklərinə bəziləri ürəkdən qulaq asır, bəziləri isə istehza ilə yanaşırdı. Üzünə baxmağa cəsarət eləməsə də Kərəm də onu həvəslə dinləyənlərin, onunla razılaşanların arasında idi.
Tənəffüdə Yusif həvəslə keçib Əlinin yanında oturdu. Əli onun gəldiyini hiss eləsə də başını testdən qaldırmadı.
-Qardaşının ağlına əla fikir gəlib.
Əli dinmədi. Onun saymazlığı görən Yusif karandaşı Əlinin əlindən alıb:
-Eee,-deyə eitrazla partanın üstünə atdı,-az oxu da! Arabir bu tərəflərə də bax!
-Səndən mənə nə vaxt xeyir gəlib ki, sənin tərəfə də baxım? On gündən sonra imtahandır. Özün hazırlaşmırsan heç olmasa hazırlaşanlara imkan ver.
-Pah, özün bilərsən,-Yusif ağzını büzərək özünü yana çəkdi.-sən oxumağında ol, onda onu da yuxunda görərsən.
-Sayəndə artıq yuxu da görə bilmirəm.
-Özüm ölüm, elə danışırsan ki, elə bil məktubunu da mən gizlətmişəm. Bilmədim də, ağzımdan qaçdı. İndi də səhvimi düzəltməyə çalışıram. Bax, ağlıma bir fikir gəlib, onu demək istəyirəm. Amma sən qulaq asmaq istəmirsənsə daha özün bilərsən.-deyib Yusif incik halda ayağa qalxmaq istədi.
-Yaxşı,-deyə Əli onu qolundan tutub saxladı,-mən də bilirəm ki, bilə-bilə eləməmisən. Nə edim, hər şey üst-üstə gəlib. Bilmirəm acığımı kimdən çıxım? De görək, ağlına nə gəlib?
-Daha sənsən də.-deyə Yusif nazla yenidən onun yanında oturdu,-deməli belə, əgər məktubuna yaxşı cavab almaq istəyirsənsə əvvəlcə onun da səni sevib-sevmədiyini bilməlisən.
-Necə?
-Çox sadəcə. Qısqandırmaqla. Bir qız tapaqcaqsan. Bir-iki göz-qaş, bir-iki kəlimə sözdən sonra onunla yaxınlaşacaqsan. Amma bir gözün də onda olacaq.-deyə Yusif Ayanı işarə elədi.- Onun reaksiysını, qıcıqlanıb-qıcıqlanmadığını öyrənəcəksən. Qıcıqlanırsa deməli qısqanır, qısqanırsa deməli sevir.
-Mən də dedim, doğrudan da qeyri-adi nəsə fikirləşmisən də.-deyə Əli ağzını