ki?-deyə Yusif bezgin halda arxa partaya söykəndi.-Prosto, bazar günkü imtahana görə biraz narahatdır. Sinifdən də tək düşüb deyə sıxılır.
-Mən də deyirəm, nə olub?!-deyə Mehdi ağzını büzdü.-Adam da heç imtahana görə ağlayar?
-Ayə, hamı sənni kimi sırtıq deyil e.-deyə Əli yüngülcə onun başına vurdu.-Camaat gələcəyini fikirləşir. Bir də ki qızlar belə məsələlərdə daha həssas olurlar.
-Biz niyə imtahana bir yerdə hazırlaşmırıq?-deyə İsmayıl ağlıan nəsə gəlmiştək dilləndi.
-Nə?-deyə hər üçü təəccüblə ona baxdı.
-İmtahana deyirəm, niyə bir yerdə hazırlaşmırıq? Hər tənəffüsdə belə lağlağı vurunca iki-iki, üç-üç bir-birimizə kömək eləyək. Məsəl üçün, Əli, sən bildikərindən Mehdiyə kömək elə, Yusif, sən Coğrafiya ilə Riyaziyyatdan territoriyandakı qızları başa sal. Mən onsuz da bir həftədir, Sevillə Züleyxaya Riyaziyyatı, Fizikanı zadı başa salıram. O birilərinə də deyək, onlar da bir-birilərinə kömək eləsinlər. İmtahandakı köməyə çox da bel bağlamayın.
-Ağıllı fikirdir, ha!-sanki Yusifin üzünə rəng gəldi.
-Mənim də ağlıma batdı,-deyə Əli də sevindi,-onsuz da İngilis dilindən zəif idim.
-Caan, can,-deyə Mehdi əlini onun çiyninə salıb oğlanlara göz vurdu,-qara qızın dərdi varmış.
Beləcə İsmayılın bu təklifi sinif uşaqları tərfindən də razılıqla qarşılandı və hər tənəffüsdə artıq lağlağı söhbətlər, çölə çıxmalar yerini qrup şəklində iki-iki, üç-üç oturub hazırlaşmalara verdi. Hətta oxumayanlar da həvəsə gəlib yaxşı oxuyanların yanında oturub onlardan nəsə öyrənməyə çalışırdılar.
Beşinci dərsin tənəffüsü idi. Ayanla danışmaq üçün sinfin qapısına yaxınlaşan Xatirə müəllimə hamının başının dərsə qarışdığını görüb çox sevindi. Lakin bu elə də çox çəkmədi. çünki birdən gözü Züleyxa ilə Yusifə sataşdı. O əlində dəftər Yusifə yaxınlaşaraq ondan nəsə xahiş elədi, Yusif isə bezgin halda bir dəftərə, bir də ona baxıb üzünü turşudaraq əli ilə ona getməsini dedi. Pərt olan Züleyxa geri qayıtmaq istəyirdi ki, İsmayıl Yusifi danlaya-danlaya ənsəsinə vurub Züleyxanı yanına