ı münasibətini başa düşə bilməmisən?
-Nə münasibətini?
-Ay daa,-deyə Ayan əllərini bir-birinə vurdu,-partladım e mən! Ay bacı, o sənə vu-ru-luuub.
-Ayan,-deyə Xatirə müəllimə duruxaraq qaşlarını çatdı,-sənin nə dediyindən xəbərin var?
-Əlbəttə var. Dəfələrlə öz gözlərimlə şahid olmuşam, onun sənə necə baxdığını, səni necə güddüyüyn, müəllimlər otağının qabağını necə kəsdirdiyini.
-Ayan, Ayan,dayan!-Xatirə müəllimə əllərini qulaqlarına tutaraq bərk-bərk qışqırdı. Sonra özünü ələ alıb daha sakit tərzdə-O gəncidr, müəlliməsinə....yəni, bu münasibəti...bu ola bilər, amma bu o demək deyil ki, Xəyal müəllimin dükanını da o yandırırb.-dedi.
-Xəyal müəllim də sənə qarşı eyni münasibətdədrisə, niyə də olmasın? Qısqanclıq deyə bir şey var.
-Sən artıq çox danışdın.-deyə Xatirə müəllimə narahat və əsəbi halda divandan durdu.
-Qurban olum, sənin yaxşılığın üçün deyirəm. Bax, Xəyal müəllim pis adam de...
-Ayan, dur ayağa, şkafdan şəkil albomunu götür, qayıdırıq aşağı.
-Xatirə.
-Dedim ki, dur! Bu söhbət bir də açılmayacaq. Bir də, bilər-bilməz kiminsə üstünə günah atmaq ən böyük günahdır. Bunu da yadından çıxarma.
-Uff, yaxşı.-deyə Ayan narazı halda divandan qalxaraq şkafa yaxınlaşdı.
Xatirə müəllimə isə eşitdiklərindən bərk sarsılmışdı. Kərəmin ona qarşı münasibəti və son olanlar ona ağır gəlirdi. “Mən harada səhv eləmişəm?”deyə öz-özünə düşünməyə başladı.Həmin gün Kərəm günahı və ya günahsızlığı sübut olunmadığı üçün nəzarətdə gecələməli oldu. Xəyal müəllimə olan antipatiyasının əsl səbəbini polisə demədiyi üçün daha çox şübhə çəkmişdi. O gecə həyatnın ən dəhşətli gecəsi idi. Soyuq və qaranlıq həbsxana divarları sanki üstünə gəlir, barmaqlıqlar gözündə böyüyərək kabusa çevrilirdi. O gecə müəllimlərin də yuxusu ərşə çəkilmişdi. Xəyal müəllim heç cür Kərəmin belə iş tutacağına inana bilmirdi. Bu məktəbə gəldiyindən bəri Kərəmin ona qarşı olan səmimi münasibəti ilə sonradan dəyişilən münasibəti yan-yana qoyur, aradakı qırılma nöqtəsini tapmağa çalışırdı. Digər