n fərqində deyildi.
-Nə?
-Nə nə?
-Kor məhəbbət dedin.
-Həə...-Əli sözü necə fırladacığını bilmirdi,-dünən bir hind filminə baxdım. Adı “Kor məhəbbət”idi. Başrolda da ən sevdiyim hind aktyoru oynayırdı. Sən kor dedin, birdən ağlıma o gəldi.
-Hmm,-deyə İsmayıl başa düşmüştək dodaqlarını büzdü,-nə isə, mən durum.-deyə ayaqlandı.-Sevil oradan nəsə işarə eləyir. Görüm nə deyir.-deyib ayağa qalxaraq Əlidən uzaqlaşdı.
Dərindən ah çəkən Əli son anda sözü dəyişə bildiyinə görə min şükür edirdi. Birdən ağlına Ayan gəldi, sinfə göz gəzdirdi, amma nəzərləri Ayanı tapmadı. Durub çölə çıxdı. Onunla qapıda qarşılaşdı. Həyəcanlandı. Elə Ayan da.
-Haradan belə?
-Müəllimlər otağına getmişdim, Xatirəyə görə narahat idim. Səhərə qədər yatmayıb. Dərsə gələndə də yuxulu idi.
-Görə bildin? İndi necədir?
-Yox, dərsdədir. Amma Xəyal müəllimi gördüm, o da kefsizdir.
-Olacaq da. Yazığın o boyda mağazası yanıb.
-Əli,-deyə Ayan çəkinə-çəkinə ona baxdı,-mən Xatirəyə Kərəm haqqında hər şeyi danışmışam.
-Nə?-deyə gözləri bərələn Əli narahat şəkildə ətrafına baxdı, sonra Ayanı qolundan tutaraq yana çəkdi,-niyə?
-Əvvəl-axır bilməli idi də. Dünən mənim təkidimdən sonra Xəyal müəllimə zəng elədi. Kərəmin tutulduğunu eşidib təəccübləndi. Mən də dedim ki, bu belə də olmalı idi. Dedi ki, niyə? Mən də hamısını ona danışdım.
-Necə reaksiya verdi?
-Dəli oldu. Hələ bu işin Xəyal müəllimlə əlaqəsinin səbəbini biləndə lap özündən çıxdı. İki dəqiqədə iki nəfərin ona vurulduğunu eşidib səhərə qədər yuxusuz qaldı.
-Ayan, sən də Kərəmdən şübhələnirsən?
-Əli, nə şübhələnmək? Ortada cinayət var e, hər şey göz qabağındadır.
-Nç, razı deyiləm.-deyə Əli başını buladı.-Hər şey göründüyü kimi olmaya da bilər.
-Əli, Kərəmdən danışırıq e. Bu insanın son iki-üç aydır, müəllimlərinə necə davrandığını ikimiz də görürük. Yersiz hislər, yersiz qısqanclıq, axırda da yersiz cinayət.
-Hislər heç vaxt yersiz olmur. Düzdür, qısqanclıq yaradır, insanı cinayətə sürükləyir, amma yersiz olmur. Bura yer deyil?-deyə