, ya keçəl Həsən?-deyə Səbuhi də kinayə ilə gülə-gülə söhbətə qoşuldu.
-Tariel,-deyə Xatirə müəllimə ikinci dəfə səsini qaldırdı,-imkan verəcəksən, mən dərsimi keçim?
-Yaxşı müəllimə,-deyə Tariel nazla ağzını büzə-büzə,-buyurun, dərs sizindir.-dedi.
Kərəmlə bağlı müzakirələrdən başı açılan Yusif axır ki, dostuna da ayırmağa vaxt tapmışdı.
-Dost, bu çox da çətin məsələ deyil. Bunu bilsən, o birilərdə çətinliyin olmayacaq. Tutaq ki, dağın ətəyində temperatur 35C dərəcədir. Dağın hündürlüyünqn 4000 metr olduğunu nəzərə alsaq, zirvədəki temperatur nə qədər olar? Bizə nə verilib? Hündürlüklə temperatur. Nəyi tapırıq? Zirvədəki temperaturu. Bunun üçün 4000-i 1000-ə bölürük. Niyə? Çünki bayaq demişdim axı temperatur hər 1000 metrdə 6C dərəcə aşağı düşür deyə. 4000:1000=4 sonra da bu 4-ü 6-ya vururuq. 4*6=24. Axırda da aldığımız 24-dən 35-i çıxırıq, qalır -11. Deməli, zirvədə temperatur -11C dərəcə olur. Aydın oldu?
-Bəli müəllim.-deyə Sevinc əvvəlcə güldü, sonra uşaqtək dodaqlarını büzüb,-mən imtahandan qorxuram.-dedi.
-Pah, imatahan səndən qorxsun. Sən niyə qorxursan ki?
-Nə bilim e dost. Elə bilirəm ki, oradakı sualların heç birini bilməyəcəyəm. Fikirləşəndə ağlıma belə alaqaranlıq otaq gəlir, ətrafım kağız-kuğuzla doludur, qabağımda da əlində yekə bir çubuğu olan zəhmli bir nəzarətçi durub.
-Sən əməlli-başlı paranoyak olmusan ki, dost. Eləmə belə, pis fikirləşsən pis olacaq. Ona görə də yaxşı şeylər haqında düşün. Bircə onu düşün ki, heç nə səndən daha vacib deyil.
-Sağol e, dost. Səndən də belə sözlər çıxarmış.
-Yox, mənim sözlərim deyil, Ceyrandan öyrənmişəm. Bizim riyaziyyat qrupunda da sənin kimi pessimist oğlan var. Ceyran da həmişə ona belə ürək-dirək verir.
-Bəs onda sən onu qısqanmırsan?
-Məən?-deyə Yusif duruxdu.-Niyə qısqanmalıyam ki? Burada qısqanası nə var ki? Həm də ki, Ceyranın belə şeylərdən zəhləsi gedir. Deyir qısqanclıq inamsızlıqdan yaranır. Sevən insan qısqanmaz, inanar.
-Bu Ceyran səni əməlli-başlı adam eləyib ki. Dünyaya baxışını