r Allah bilir.
Xatirə müəllimə qulaqlarına inana bilmirdi. Dünəndən bəri inanmaq istəmədiyi şeyi bu gün qulaqları ilə eşidirdi. Tez-tələsik dükandan çıxdı. Ağlına gələn ilk şeyi elədi: Xəyal müəllimə zəng. Onunla danışıb iri addımlarla dayanacağa doğru getməyə başladı.Xəyal müəllim polis idarəsinə çatanda Xatirə müəllimə rəisin otağından çıxırdı. Xəyal müəllim gec gəldiyinə görə üzrxahlıq elədi. Sonra onu bura niyə çağırdığını xəbər aldı.
-Mən şikayətə gəlmişdim, müəllim.-deyə Xatirə müəllimə sözü fırlatmadan, birbaşa dedi.
-Nə şikayəti?-deyə Xəyal müəllim duruxdu.
-Siz sona qədər haqlı idiniz, müəllim. Dükanınızı Kərəm yandırmayıb, bunu eləyən Ülvidir.
-Ülvi...-deyə Xəyal müəllim qaşlarını çatdı,-o sizin alxanızca gə...
-Hə, iki aydır, mənə göz verib işıq verməyən Ülvi.
-Siz necə bildiniz ki, bunu o eləyib?
Xatirə müəllimə ona biraz əvvəl dükanda eşitdiklərini danışdı. Xəyal müəllim bir qədər susub sonra:
-Düz eləmisiniz,-dedi,-elə mən də ondan şübhələnmişdim. Amma günahını almağa qoxudum.
-Siz niyə?
-Heeç, nə bilim?-deyə Xəyal müəllim gözlərini qaçırdı.
-Müəllim, nəsə bilirsiniz?
-Əslində...ee....
-Əslində nə?
-Yaxşı, deyəcəm. İki gün əvvəl dəlsdən evə qayıdıldım, sizin Ülvi qabağımı kəsib nəmənə dedi ki, Xatildən uzaq dul.
-Xatirədən uzaq dur?! O nə deməkdir?
-Bilmiləm, ağlında nə qulubsa. Mən də dedim ki, nə eləyəcəyimi səndən soluşmayacam. Qayıtdı ki, onda özün biləlsən, olacaqlala mən cavabdeh deyiləm. Dedim ki, məni hədələyisən? Dedi ki, hədələmiləm, deyiləm. Əgəl olanlala gölə məni şikayət eləməyə cəhd eləsən....onu ölmüş bil.
-Kimi?
-Sizi.
Eşitdiklərinə inana bilməyən Xatirə müəllimənin dişi damağını kəsirdi.
-Xəyal müəllim, bəs siz bütün bunları bilə-bilə, ailəniz o vəziyyətdə, Kərəm nəzarətdə ola-ola, niyə Ülvini şikayət eləmədiniz?
-Müəllimə, siz mənə sona qədəl qulaq asmadınız?
-O boş-boş guruldayıb, siz də ona inanmısınız?
-Boş-boş?-deyə Xəyal müəllim kinayə ilə gülümsədi,-Dünən yanan nə idi bəs?
-Mən onu demirəm! O onsuz