e, oğlana zəng eləyəcəkdim, səhvən
səni yığdım.
-Eybi yox. Mən də elə bildim toya görə zəng
eləmisən.
-Nə toy?-deyə Əli duruxdu. Ehtiyatla içərini
gözdən keçirib rahat danışmaq üçün çölə çıxdı.
-Bıy, sən bilmirsən? Bayaq xala mamaya zəng
eləyib toyun vaxtı haqqında danışırdı. Mən
dedim yəqin sən də onun üçün zəng eləmisən.
-Yox, mama məndən xəbərsiz niyə belə bir şey
eləyib ki?-Əli dilxor olmuşdu.
-Əli, doğrudan xəbərin yoxdur?
-Dedim ki yox da. Səninlə zarafatım var?-Əli
özündən xəbərsiz səsini qaldırmışdı.
-Qışqırmadan danışsan olar?
-Yaxşı,-Əli özünü ələ almağa çalışaraq,-
bağışla.-dedi.-Indi işdəyəm, axşam mama ilə
danışım, sonra sənə zəng eləyərəm.
-Yaxşı.-nişanlısı ilə sağollaşan Əli əsəbindən
dişi damağını gəmirə-gəmirə anasının qarasına
deyinməyə başladı. Beləcə Azərə zəng eləməyi
də unutdu.
Axşam yeməyindən sonra qabları yuyub-
yığışdıran Ayan günün stress və yorğunluğunu
atmaq üçün həyətə düşüb çardaqda oturmaq
qərarına gəldi. Əyninə nazik üst geyimi götürüb
həyətə endi. Qardaşı Ramin çardaqda idi və
başı telefona qarışmışdı. Ayan arxadan asta-
asta ona yaxınlaşıb telefona baxdı.
-Ay Allah, nə qəşəng gəlinimiz var?!
Arxadan gələn qəfil səsə diksinən Ramin baş
barmağı ilə damağını dartıb:
-Bacı, ürəyim düşmüşdü!-deyə ona acıqlandı.
-Sənin ürəyin yerindədir ki?-deyə Ayan gülə-
gülə telefonu işarə eləyərək çardağa qalxıb
qardaşının yanında oturdu.-Də görüm,
gəlinimizin adı nədir?
-Nə gəlin?-Ramin tez telefonu gizlətdi.-Siz də
hər gördüyünüzə gəlin deyirsiniz. Qrup
yoldaşımdır.
-Mənə də yox da.-Ayan ona göz vurdu.-Sən hər
qrup yoldaşın üçün belə qızarmırsan axı.
-Məən, qızarmışam?-deyə Ramin əlini üzünə
apardı.
-Həm də necə. Naz eləmə, ver telefonu, şəklə
bir də baxım.-deyə Ayan telefonu ondan almaq
istədi.
-Yaxşı, daha sənsən.-Ramin gülə-gülə telefonu
bacısına verdi. Ayanın şəklə baxıb məmnunluqla
başını yellədiyini görüb ürəklənərək-Qəşəng
qızdır?-deyə soruşdu.
-Çox qəşəngdir, xüsusən də gözləri.
-Amma o