ı bulamağa
başladı.-Birincisi bizimkilər uşaqların evli
insanlara övladlığa verildiyini bilməyəcək qədər
saf deyillər. Soruşmazlarmı ki bu uşağı necə
övladlığa götürdün? İkincisi də ki mənə görə
belə bir mənasız işin altına girməyinə razı ola
bilmərəm. Təklifin üçün çox sağ ol.
-Ayan,- Əli getdiyi yerdə dayanıb onun
əlindən tutdu,-nə mənasız iş? Səncə, mənə
səninlə vaxt keçirirəm? Mən səni sevirəm və
səninlə doğrudan da evlənmək istəyirəm.-Ayan
ağzı açıq şəkildə təəccüblə ona baxarkən Əli
onun digər əlini də tutdu.-Məcnun haqqa
gedirdi, Leyla sadəcə səbəbdi. Səbəbim ol, Ayan.
Yaxşı bir həyat yoldaşı olmağımda səbəbim ol.
Qayğıkeş bir ata olmağımda səbəbim ol.
Dünyanın ən xoşbəxt insanı olmağımda səbəbim
ol. Mənim ol, mənə ərə gəl.-Əli yenə də Ayanı
təəccübləndirmiş və həyəcanlandırmışdı. Hətta
kövrəltmişdi də. Əllərini möhkəmcə tutub sevgi
dolu baxışlarla gözlərinə baxan insan sevdiyi,
amma bir o qədər də bağışlaya bilmədiyi insan
idi. Ona görə də özünü ələ alıb əllərini
əllərindən dartışıdıra-dartışdıra başını
buladı.
-Yox Əli, bağışla, mən sənin bu təklifinə cavab
verə bilməyəcəm. Birincisi səni hələ də tam
bağışlaya bilməmişəm. İkincisi də ki mən eyni
faciəni ikinci dəfə yaşaya, sənin də ölümünə
səbəb ola bilmərəm. Həm də ki özümə söz
vermişəm, bir də ərə getməyəcəm.
-Bədbəxtlik bir dəfə üz veribsə bu o demək deyil
ki ikinci dəfə də eyni şeylər olacaq.-Əli məyus
olsa da Ayanı fikrindən döndərməyə çalışırdı.-
Maşından qorxursan? Yaxşı, maşının yerinə
fayton tutarıq, qabağında bəzədilmiş iki dənə
atı olan qırmızı bir fayton. Yox, əgər deyirsənsə
ki fayton da elə maşın kimidir, onda palatka
toyu eləyərik. Bizim rayonda, Zaqatalada,
kənddə. Ən yaxşısı kənd toyudur. Yeddi-səkkiz
dənə palatka kirayə götürərik, kəndin bu
başından-o başına uzuun bir toy çadırı
qurular, ən başda da bizim masamız. Arxasında
da üstü pambıqlarla “Toyunuz mübarək”
yazılmış bir xalça. Sol tərəfdə çalğıçılar, hər iki
tərəfdə də ucu-bucağı