ə çarpazladığı qollarını üst-
üstə aşırdığı aayaqlarına dayaq eləyərək nəsə
düşünürmüş kimi dodaqlarını didə-didə
gözlərini yola dikən bu qız İnci idi. Onu görmək
Mehdi həm təəccübləndirmiş, həmd də yaxşı
mənada həyəcanlandırmışdı.
-İnci?
Mehdi?-ondan fərqli olaraq İncidəki təəccüb
hissi idi-Sən marşrutda olmalı deyildin?
-Məni marşrutda görməyə öyrəşmisən, belə
görəndə təəccüblənirsən.-Mehdi gülümsəyərək
başını buladı.-Toyda idim,-deyə başı ilə
arxanı, onlardan təxminən yüz metr aralıdakı
şadlıq sarayını işarə elədi,-ona görə bu gün
marşruta çıxmamışam. Sən nə əcəb burada, bu
vaxt?
-Məşqdən gəlirəm, bu gün biraz uzun çəkdi.
Bayaqdan sizin marşrutu gözləyirəm. Biri keçdi,
amma qaçırdım.
-Heyf, İnci xanım, sizə pis xəbərim var,-
saatına baxan Mehdi sonra İnciyə baxıb narahat
şəkildə dodaqlarını büzdü,-axırıncını
qaçırmısınız.-dedi.
-Yaxşı da?-İnci narazılıqla üzünü turşutdu.-
Heç o birisilər də keçmir.
-Boş yerə gözləmə, onların da abxodu qurtarıb.
Gəl, yaxşısı budur, yuxarıdakı astanovkaya
gedək, oradan bir avtobus taparıq.-ayaqlanıb
irəli gedən Mehdi İncinin yerindən
tərpənmədiyini görüb geri dönərək sual dolu
baxışlarla ona baxdı.-Gəlmirsən?
İnci tərəddüdlə yerində vurnuxur, çiyinlərini
çəkirdi. Onu belə görən Mehdi öz-özünə
gülümsündü:
-Nədir, məndən qorxursan? Sən ki məndən daha
güclüsən.
-Yoox, niyə qorxuram ki, səndən? Prosto getmək
istəmirəm.-İnci özünü sındırmayaraq gözlərini
qaçıra-qaçıra dedi.
-Yaxşı görüm, toydan çıxmışam deyə ehtiyat
eləyirsən.-Mehdi gəlib onun yanında oturdu.-
Amma qorxma, içkili deyiləm. Atam öləndən
sonra anam toylarda içməyim deyə bərk-bərk
tapşırır.
-Allah rəhmət eləsin. Başa düşmədim, niyə ki?
-Çünki atamı içkili halda toydan çıxıb yolu
keçəndə maşın vurmuşdu. İki gün
reanimasiyada qaldı, ondan sonra...-
qəhərlənən Mehdi yaşaran gözlərini qaçıra-
qaçıra dərindən köks ötürdü,-ondan sonra mən
böyüdüm.
-Ayy Mehdi, səncanı bağışla.-məyus olan İnci
əlini onun əlinin üstünə qoydu.