n ürəyini qazanmısan,
qardaşının razılığını almısan, atasının gözünə
girmisən, indi nəyin dərdini çəkirsən?
-Nə bilim, hər şey belə rahat alınır deyə
narahatam, elə bilirəm ki yenə də nəsə bir tərslik
çıxacaq. Bir də ki hələ anası var. Əsas məsələ
odur.
-Yaxşı görüm, atası razı olandan sonra anası nə
deyəcək ki? Hərhalda qabağını kəsib bir də
qızıma yaxınlaşma zad deməyəcək ki.-Yusif bunu
deyərkən dayanmadan əsnəyir, əlini tez-tez
ağzına tuturdu.
Onun bu sözünə Əli qeyri-ixtiyari kinayə ilə
qımışdı.
-Elə bilirsən deməyib?-deyə dilinin altında
dilləndi. Lakin Yusif dayanmadan əsnədiyi üçün
onu eşitməmişdi. Bu istər-istəməz Əlinin də
diqqətini çəkdi. Ona görə də-Sənə nə olub e,
bayaqdan əsnəyirsən? Gecə yatmamısan?-deyə
soruşdu.
-Yox e, üstünə sağlıq, iki-üç gündür, başım
yaman ağrıyır. Bu əsnəmək də ondandır yəqin.
Deyirlər belə olanda beynə qan yaxşı işləmir.
-Özünü həkimə göstər də. Başla zarafat olmaz.
-Əşi, işdən vaxt olur ki?
Elə bu vaxt onlara əks istiqamətdə yanlarından
ötən bir maşın sonra onları görmüştək arxa
işıqlarını yandıraraq geri gəlməyə başladı. Əli ilə
Yusif əvvəlcə təəccüblə bir-birilərinə baxdılar.
Maşın onlara çatıb sükan arxasındakının İsmayıl
olduğunu görcək isə Yusif kinayə ilə:
-Həə, indi yanımızdan düz keçərsən də.-deyə
dilləndi.
-Düz keçsə idim, keçərdim də. Siz də mərdi qova-
qova niyə namərd eləyirsiniz?-sükan arxasından
düşən İsmayıl onun bu atmacasına yarızarafat,
yarıciddi cavab verə-verə onlara yaxınlaşdı. Əl
sıxışıb görüşdülər.
-Sən ona fikir vermə e, smaylik, həmişəki Yusifdir.
-İki saniyənin içində satdın hə, məni?
-Necəsiniz, neyləyirsiniz? Maşallah yenə bir
yerdəsiniz. Lap köhnə günlərdəki kimi.
-Heç biz də bir-birimizi fərli görə bilmirik. Elə bu
gün sözləşib görüşmüşük. İş-gücdən vaxt olur ki?
Sən də təzə maşın almısan, xeyirli olsun.-deyə
sonra Əli maşını göstərdi.
-Hə, çox sağol.-Ismayıl gülə-gülə maşınına sarı
getdi. Sonra əl eləyərək-Emre, gəl gör səni
kimlərlə tanış