a ilə yola getmirsən?
-Yox, qayınataya öyrəşmişəm, nişanlım deyir ki
yayı gözləyək.
-Əşi, bu qədər gözləmisən, biraz da gözlə. Sən
neyləyirsən e, Əlişka, eşitdim xala qızı ilə
nişanlanmısan?
-Hə, elə alındı.-Əli Yusifə göz eləyərək (guya)
məyus imiş kimi qaşlarını düyünlədi.
-Neyləyəsən e, qismət belə imiş. Toy nə vaxtdır?
-Sən pullarını ütülə, tezliklə qapını dəvətnamə
döyəcək.-deyə bu dəfə Yusif Əlinin yerinə dilləndi.
-Hə, belə tez?
-Hə, neyləsin, dözə bilmir də.-Yusifin bu
zarafatına Əli yüngülcə əlini onun başına vurdu.
Lakin Yusif ona əhəmiyyət verməyib-Ayə, sən
doğrudan da dəvə qulağında yatmısan ki?-deyə
sözünə davam elədi.-Bir yaxşı-yaxşı bax görüm,
bu nişanlıya oxşayır?-deyib Əlinin sol əlini
qaldırdı.-Nişanlı odur, ya mən?-deyə öz qolunu
da göstərdi.
-A, sən nişanlı deyildin?
-Nişanlı idim, amma sonra atmalı oldum.
Sevmirdim, neyləməli idim?
-Lap yaxşı eləmisən.-məmnunluqla başını
yelləyən İsmayıl sonra fikirli halda ona baxdı.-
Bəs...o...
-De, de, partlatma, de.-deyə Yusif ona baxan
Əliyə başını yellədi.
-Bilirəm, nəyi soruşmaq istəyirsən. Ayanla
barışmışıq, hətta sən Yusif demişkən indidən
pullarını ütüləsən yaxşı olar.
-Doğrudan, nə yaxşı? Təbrik eləyirəm. Bundan
daha gözəl bir xəbər ola bilməzdi. Axır ki!
-Biz sənə xoş xəbərləri verdik. İndi biraz da sən
özündən danış görək. Təzə ağbajı zad yoxdur?-
deyə Əli maraqla İsmayıla baxdı.
Bu dəfə İsmayıl Emreyə baxaraq işarə ilə nəsə
soruşdu. Emre isə başını yellədi.
-Nə işarələşirsiniz? Torbada pişik var, deyəsən?
-Yəni...var, amma hələ yoxdur...Hələ dəqiq deyil
-Necə yəni var amma hələ yoxdur? Yusif,
səncanı, bir şey başa düşdün?
-Ayə, smaylik, bir adam kimi de dana. Oxu
atmısan, yayı niyə gizlədirsən? Kimlərdəndir?
Türkdür, bizimkilərdəndir, qrup yoldaşıdır,
qohumdur, qonşudur, nədir?
-Değil, değil, daha eskilerden.-deyə bu vaxt Emre
onlara göz vura-vura dilləndi.
-Eskilerden?-Yusiflə Əli təəccüblə bir-birilərinə
baxdılar. Sonra eşitdiyini başa düşməyə