eləyib skype
ünvanını öyrəndi. Onun Leylaya hələ də hislərinin
olub-olmadığını özündən öyrənmək ən yaxşısı idi.
İndi də kompüterin qabağına keçmiş, onun
profilini axtarırdı. Nəhayət lazımi profili tapıb
yoldaşlar siyahısına saldıqdan sonra zəng
eləməyə başladı. Həyəcanlı idim görəsən, özünə
bəlli etmədən ondan Leylaya qarşı münasibətini
öyrənə biləcəkdimi? İki çağırışdan sonra zəng
açıldı və ekranın diger tərəfində Ələddinin
gülümsəyən siması göründü.
-Ooo, salam çıraq, necəsən, neyləyirsən?
-Salam, salam, sən necəsən? Nə yaxşı yadına
düşmüşük?
-Heç elə şey olar? Sən həmişə mənim
yadımdasan, prosto gündəlik problemlər, zad...
Öyrəşə bilmisənmi oralara?
-Belə də, təzə-təzə biraz qəriblik çəkdim, amma
indi şükür Allaha yaxşıdır.
-Yox, yox, maşallah yaxşısan. Elə getdikcə
kitaylara da oxşayırsan. Gözlərin zadın qıyılıb.
-O sənin gözünə elə görünür. Allah eləməsin,
gözlərim qıyılsın.
-Niyə ki? Ora gedəli adını da dəyişmisən. Profil
adını da Lee Aladdin qoymusan. Daha nəyi
boynuna almırsan, kitay olmusan da.
-Onu elə-belə qoymuşam. Özü də ki buradakılar
kitay deyil, koreyalıdır. Kitaylar Çində olur.
-Əşi, keçəl Həsən, Həsən keçəl. Onsuzda hamısı
bir-birinə oxşayır. Yaman kökəlmisən ha.
Deyəsən oranın qurd-quşu yaxşı gəlib.
-Yox, qurd-quş yemirəm. Burada mənimlə
bərabər oxuyan azərbaycanlı, türk tələbələr var.
Yeməyimizi ya özümüz bişiririk, ya da türk
restoranlarına gedirik.
-Hə, amma nə qədər də olsa, ev yeməyinin dadını
verməz.
-Orası heç də.
-Çay içirdin deyəsən?
-Hə, bunu deyirsən?-deyə Ələddin yanındakı
stəkandakı çaya bənzər mayeni göstərdi.-
Qovrulmuş arpa çayıdır, boriça.
-Arpa çayı, iyy,-deyə Kənan üzünü turşutdu,-necə
içirsən onu?
-Elə demə, müalicəvidir.
-Oranın qızları necədir e, gələndə yəqin bizə bir
Koreyalı gəlin gətirərsən?-Kənan yavaş-yavaş
əsas mövzuya doğru irəliləməyə başladı.
-Yaxşı görüm, səncanı. Öz qızlarımıza nə gəlib?
Özü də mən bura evlənməyə gəlməmişəm. Sən
özündən danış e, sən evlənib