elə
vurğulayıb siqnal səsləri oldu. Tez ayaqlanıb
huşsuz vəziyyətdə yerdə yatan və qanı yağış
suları ilə birlikdə asfaltı yuyan Mehdiyə
yaxınlaşdı.-Sss...sən neylədin, neylədin sən,
Mehdi?-ağlamsına-ağlamsına onun başını qaldırıb
dizinin üstünə qoydu-Heyy, məni eşidirsən?-deyə
yanaqlarına vurdu.-Səninləyəm, məni eşitmirsən?
Öölmə...ölmə, yaxşı? Mən vicdanıma nə cavab
verərəm, sonra?
Artıq digər maşınlardakı adamlar da yola
tökülüşmüşdülər. Biri 112-yə zəng edərkən
bəziləri ayaq üstdə durub aralarında qəzadan
danışır, bəziləri isə isə diğər maşına yaxınlaşıb
sürücünün sağ olub-olmadığı ilə maraqlanırdılar.
Yağış isə bütün bunlara əsəbləşmiştək daha
şiddətlə yağır, ildırımlar vahiməli haray qoparırdı.Mehdinin yanında təcili tibbi yardım maşınında
xəstəxanaya gələn İnci indi də xəstəxananın
dəhlizində gözlərini bir nöqtəyə zilləyib
oturmuşdu. Olanları dərk edə bilmir, özünü
havada sanırdı. Nə olmuşdu, nə olacaqdı? Bir
müddət sonra əməliyyat otağının qapısı açıldı.
İnci bunu görməsə də yolun qarşı tərəfindən
qəzanı görərək sonra təcili tibbi yardım maşının
arxasınca özlərini xəstəxanaya yetirən Mehdinin
iş yoldaşları həkimi görüb ayağa qalxdılar.
-Siz xəstənin nəyisiniz?-deyə həkim eynəyinin
altından onları süzüb soruşdu.
-İş yoldaşları. Vəziyyəti necədir, doktor?
-Xəstə ağır dərəcəli qapalı kəllə-beyin travması
keçirir, bura gətiriləndə huşu özündə deyildi, indi
də dərin koma halındadır. Yuxarı və aşağı
ətraflarında açıq və qapalı sınıqlar var, çox qan
itirib. Bundan başqa daxili orqanları da zədələnib.
Qısası, bura qədər sağ gəlib çatması sadəcə
möcüzədir.
-Yaşayacaq, həkim?-səsə İnci də ayağa durub
həkimə yaxınlaşmış, təlaşla soruşurdu.
-Bilmirik,-həkim ona baxıb dərindən köks ötürdü,-
əslində bu ehtimal heç beş faiz də deyil. Dediyim
kimi bura qədər sağ gəlib çatması sadəcə
möcüzədir. Siz Allahz dua eləyin ki bundan
sonrası da möcüzə olsun.
Həkimin dediklərindən sonra İncinin ümidləri daha
da qırılmışdı. Ruhən çökmüş