ş vəziyyətdə
ağlamsınaraq pəncərəyə tərəf getdi. Qollarının
üstünə aşırdığı Mehdinin gödəkçəsinə baxıb köks
ötürdü. Hər şey beləmi bitəcəkdi? Heç iki ay
deyildi ki tanıdığı tanışına beləmi vida edəcəkdi?
Bu dünyada ölümdən başqa hər şeyə çarə var
deyirik, amma bəzən son çarəni elə ölümə
buraxırıq. Bizə yaxın, dəyərli olan insanların
qədrini onlar ölüm ayağına düşəndə anlayırıq. Inci
də indi eyni vəziyyəti yaşayırdı. Tanısaydı,
Mehdiyə özünü tanıtmağa şans versəydi, dəyərli,
çox dəyərli olacaqdı bəlkə? Özü də bir ürək sahibi
idi axı. İnkar eləsə də, boğub-gizlətməyə çalışsa
da onun da hisləri var idi. Təkliyə düşəndə,
həyəcanlananda, ya tənginəfəs olanda səsini
eşitdiyi bir ürəyi var idi. O ürəyinin səsini
vaxtında eşitsəydi, olmazdı? Günahkar axtarmağa
başladı. Bu qədər aqressiv davranmasaydı, indi
Mehdi burada olmayacaqdı. Atasından hirslənib
evdən çıxmasaydı, indi Mehdi burada olmaycaqdı.
O oğlan yolboyu gözləri ilə zəli kimi ona
yapışmasaydı, bu yağış yağmasaydı, o maşın
sürətlə gəlməsəydi, bir manat yerinə iyirmi qəpik
versəydi, indi Mehdi burada olmayacaqdı! Gör nə
qədər günahkar var. Yox, bunların hamısı
bəhanədir, bircə günahkar var, o da özüdür.
-Çox danışan idi, hərdən şit zarafatlar eləyən idi,
amma yetim yaxşı oğlan idi.-Mehdinin iş
yoldaşlarından birinin səsi Incini fikrindən oyatdı.
Başını döndərib ona sarı baxdı.
-Əşi, yetiminki nə vaxt gətirir e? Zülmlə, zillətlə
iki qəpik qazan, axırın da belə olsun.
-Hə, vallah. Əşi, ölən canını alıb gedir, olan yerdə
qalanlara olur, yazıq anası ilə bacısı.
-Siz niyə onun haqqında belə danışırsınız? O
ölməyib!-artıq bu danışılanlara dözə bilməyən İnci
ağlamsınaraq onlara tərəf gəldi.
-Ay bacı, həkimin dediyini eşitmədin? Heç beş
faiz də yaşama şansı yoxdur, beş faiz.
-Həkim öləcək, demədi. Siz beş faizi az bilirsiniz?
Bəlkə onu basdırmaq yerinə dua eləyəsiniz?
-Qız düz deyir, yas qurub oturmaq yerinə Allaha
dua eləyək ki sağalsın. Yazıqdır, onu gözləyən
ailəsi