deyir az qala qəza eləyəcəkdi.
Axırda elədi.
-Gəl, buradadırlar.-deyə növbəti mərtəbəyə
çatanda Əli düz pilləkənlə üzbəüz dəhlizdə
oturacaqlarda oturan Əsli xala ilə Mehrini
tanıyıb dəhlizə girdi.-Əsli xala, Mehdiyə nə
olub, indi necədir?
Oturduğu yerdə yaşlı gözlərini əlindəki dəsmala
dikib fikrə gedən Əsli xala bu səsə başını
qaldırıb onlara sarı baxdı. Onların kim
olduqlarını aydınlaşdırmağa çalışarkən Mehri
dillənib:
-Mama, qaqaşın sinif yoldaşlarıdır.-dedi.
-Hə?-bir qızına, bir də Əligilə baxan Əsli xala-
Nə bilim, oğul. Biz hələ həkimi görməmişik.
Amma bunlar deyir ki,-deyə Vaqif əmi ilə Incini
göstərdi,-orta-ağırdır, amma qorxulası bir şey
yoxdur.-dedi.
Pəncərənin yanında məyus şəkildə dodaqlarını
büzüb dayanan qızı görcək Yusif Əliyə işarə
eləyib ona sarı getdi.
-Narahat olmayın, xala, Inşallah yaxşı olar.-
Əli isə Əsli xalanı təsəlli etməyə çalışırdı.
-Salam xanım, bağışlayın, bayaq mən sizinlə
danışmışdım?-Yusif İnciyə yaxınlaşdı.
-Bəli. Siz Yusifsiniz deyəsən?
-Hə, Mixaylonun, yəni Mehdinin sinif yoldaşı.
Avariya vaxtı siz onun yanında idiniz?
-Hə, mənə zdaç qaytarmaq üçün düşmüşdü.
Sonra avtobusun yanından sürətlə keçən
maşın...-İnci dözə bilməyib ağlamsındı.-Mən
belə olmağını istəməzdim.
-Kim istəyər ki? Yaxşı, bəs həkim nə deyir?
Doğrudan orta-ağırdır, yoxsa?
-Yox,-İnci daha qısıq səslə ehtiyatla Əsli
xalagilə baxa-baxa dilləndi,-anasıgil bilməsin,
amma əslində vəziyyət çox pisdir. Həkim heç beş
faiz də ümid yeri qoymur. Kəllə-beyin travması
alıb, komadadır, aşağı-yuxarı ətraflarında
sınıqlar var, daxili orqanları zədələnib, özü də
çox qan itirib. Skoru gələnə qədər mən qanı
saxlamağa çalışdım, qmmq mümkün deyildi, qan
hər yerindən axırdı.
İnci danışdıqca Yusif həyəcanla onu dinləyir,
arabir məyus şəkildə başını bulayırdı. Elə bu
vaxt gözlənilən həkim əməliyyatdan çıxıb
dəhlizboyu onlara sarı gəlməyə başladı. Onu
görən Vaqif əmi:
-De, bu həkimdir.-deyə ayağa qalxdı, onun
qabağına gedə-gedə-Həkim,