üst-
başını çırparaq ayağa qalxdı.-Yoox, eybi yox,
onsuzda yata bilməmişəm.-dedi.
-Bütün gecəni burada yatmısınız?-İnci heyrətlə
pilləkəni işarə elədi.
-Hə, əgər buna yatmaq demək olarsa.
-Evə getsəydiniz yaxşı olardı. Mən hələ ki
buradayam. Mehdi oyananda sizi belə yuxulu
görməsin.
Əli özündən ixtiyarsız maraqla İnciyə baxdı.
Mehdinin oyanmasına həkimlər belə beş faiz
ümid yeri qoymazkən ondakı bu inam haradan
idi?
-Eybi yox, təki oyansın, mən kipriklərimi
qaşlarıma kleylə yapışdıraram.
Onun bu sözünə İnci ürəkdən gülümsədi:
-Mehdi çox xoşbəxtdir, sizin kimi sinif
yoldaşları var. Belə möhkəm dostluq hər sinif
yoldaşına qismət olmur.
-Mehdi özü də çox yaxşı dostdur, ona görə. Dost
demişkən sizdən bir söz soruşa bilərəm
-Əlbəttə, buyurun.
-Bayaq istəmədən eşitməli oldum. Siz Mehdi ilə
həqiqətən dost idiniz?-deyə Əli çəkinə-çəkinə
İnciyə baxdı.
-Hə, nə olub ki?-İnci duruxub özündən
ixtiyarsız bir-iki addım geri getdi.
-Nə bilim, mən şəxsən inanmadım. Mehdi hara,
qızla dost olmaq hara?
-Burada inanmamalı nə var ki? Yəqin siz də
əksər oğlanlar kimi qızla-oğlanın dostluğuna
dırnaqarası baxırsınız?
-Yox, yox, qətiyyən. Dünən axşam mənimlə bir
yerdə bura gələn oğlan vartan idi e, Yusif. O öz
blok qonşusu, həm də parta yoldaşı qızla illərlə
dost olublar. Onlar bizim sinif üçün ən yaxşı
dostluq nümunəsi idilər. İndi isə nişanlıdırlar.
-Sizi inandırmağa məcbur deyiləm. Bir də ki
hamıda eyni olmur.
-İnciməyin.
-Yox, niyə ki? Burada inciməli bir şey yoxdur.-
İnci narahat şəkildə yerində vurnuxaraq
yenidən içəri qayıtdı. Maşının Şəbnəmgilin binasının qabağında
saxlayan İsmayıl bir tərəfdən Şəbnəm üçün çölə
boylanarkən, digər tərəfdən də maşında onun
yanında olan Kamranın suallarını
cavablandırırdı.
-Deməli, kankan uje iş axtarır? Burada
yerləşmək fikri var?
-Hə, dəyəsən.
-Deyirəm, Allahın türkü qədər olmadın da
əmoğlu. Türk oradan bura gəlib özünə iş tapır,
mən Gəncədən gəlib özümə iş tapmışam. Bu
boyda tərifli Türkiyədə