ı Allah
kərimdir.-dedi.
-Bəs sənin işin? Sənin dərsin?-deyə Əli bir
Yusifə, bir də Kənana baxdı.
-Mən bu gün icazəliyəm. Analizlərimin cavabı
çıxmalıdır, günorta Sevinclə gedib götürməliyik.
Kənan da deyir ki, universitet məni sıxır, bu
aralar heç getmək istəmirəm.
-Mən də sənin yerinə olsam, sıxılaram da.
Əkməz kotan kimi altı il oxumaq olar?
-Biz altı il oxumasaq siz belə xəstəxana
küçələrində kimin ümidinə qalarsınız? Düzdür,
adam hərdən bezir, amma düşünəndə ki sənin
işin can qurtarmaq, insanlara yenidən həyat
verməkdir yenidən motivasiya olunursan.
-O da düzdür. Sən mənə fikir vermə, baş qaçıb
uje. Nə isə, mən durum yavaş-yavaş gedim, bir
şey olsa, siz xəbər eləyərsiniz.-deyə Əli oturduğu
yerdən durmağa başladı.
Elə bu vaxt reanimasiya otağının qapısı açıldı və
otaqdan çıxan bir tibb bacısı qaça-qaça həkimin
otağına doğru getdi. Saniyələr sonra eyni sürətlə
də həkimlə birlikdə otaqdan çıxdılar. Həkim:
-Əməliyyat otağını hazırlayın, əməliyyat
otağını hazırlayın.-deyirdi.
Əli əl-ayağı soyumuş halda yenidən oturacağa
oturarkən Kənanla Yusif təlaşla gah bir-
birilərinə, gah da həkimə baxırdılar. Yusif dözə
bilməyib onun qabağını kəsərək:
-Həkim, nə olub? Niyə əməliyyat otağı
deyirsiniz?-deyə soruşdu.
-Beyin qanaxması keçirir, ona görə də
əməliyyat eləməliyik.-həkim bunu deyib sürətlə
yuxarı qalxarkən, Yusif çarəsiz şəkildə Kənana
baxıb:
-Kənan, bu nə deyir? Beyin qanaxması nə
deməkdir? Mixaylo öləcək?-deyə soruşurdu.
-Beyin qanaxması üç-dörd cürdür. Nə bilim,
hansını deyir. Ölüm riski hamısında var. Amma
Allaha dua eləyək ki bu risksiz sovuşsun.
-Ufff, vallah mənim analizlərim təmiz çıxsa da
mən mütləq burada bir xəstəlik tapacam. Off,
Mixaylo, başdanxarab gədə, bir qız üçün
dəyərmi idi, özünü öldürməyə?!-Yusif çarəsiz və
əsəbi şəkildə yüksək səslə deyinə-deyinə
dəhlizdə o tərəf-bu tərəfə gedib-gəlirdi.
Elə bu vaxt reanimasiya otağının qapısı təkrar
açıldı və tibb bacıları dünyadan xəbərsiz halda
yatan Mehdini