. Dönüb arxaya baxmağa
ehtiyat eləsə də, yenə də ağlına pis şeylər
gətirmir, bunun öz yolu ilə gedən adi biri
olduğunu düşünürdü. Salfet qutusunu çıxarırdı
ki birdən nə olduğunu başa düşmədi. Bir göz
qırpımında onun ağzından yapışan əl elə eyni
sürətlə də onu fırladıb divara sıxdı. Qorxudan
yumduğu gözlərini açanda qarşısında əlini
möhkəmcə onun ağzına sıxaraq hədələyici ifadə
ilə gözlərini bərəldən Xəlili görcək dəli kimi
qışqırmaq istədi. Lakin Xəlil onun ağzını bərk-
bərk sıxdığından ondan çıxan ancaq ciyiltiyə
bənzər bir səs oldu.
-Özünü yorma, səni məndən başqa heç kim
eşitmir. Nədir, məni görməyinə sevinmirsən?-
Sevil indi də yerində çırpınır, onun əlindən
çıxmağa çalışırdı.-Hara tələsirsən? Işə?
Sevgilini görməyə? Nə bilirsən, bəlkə o heç bu gün
səni görməyə gələ bilmədi?-Sevilin çaşqınlıqla
ona baxdığını görən Xəlil əvvəlcə ehtiyat edirmiş
tək sağa-sola boylandı, sonra özünü biraz ona
yaxınlaşdırıb qısıq səslə-Aramızda qalsın,
amma mən biraz onun maşınının təkəri ilə
oynamışam. Yazıq uşaq, maşını təzə almışdı,
hə? Maşın cəhənnəm, özünə bir şey olmasın.-
deyə guya heyfslənirmiştək başını buladı. Sevilin
qorxudan gözlərinin bərəldiyini və başını
bulaya-bulaya ciyildəyərək yerində çırpındığını
görcək isə gülməyə başladı.-Nədir, qorxdun
yoxsa? Ha, ha, ha, zarafat eləyirəm, hələ ki,
zarafat eləyirəm.-sonra ciddiləşərək onu divara
daha möhkəm sıxdı.-Eşitmişəm, mənim
yoxluğumdan istifadə eləyib əməlli-başlı çölə-
bayıra ayaq açmısan. Oxuyursan, işləyirsən,
köhnə sevgilinlə də barışmısan. Elə bilirdin Xəlil
içəridə öləcək? Elə bilirdin nişanı atmaqla
azadlığa çıxacaqsan? Sənə bir həftə, yox, yox,
üç gün, üçcə gün vaxt verirəm. Akademiyadır,
nədir, oradan da çıxırsan, işdən də çıxırsan,
qıçını qırıb oturursan evində. Mamagillə də
danışmışam, bir həftəyə nişan təzədən
taxılacaq.-Sevil təkidlə başını buladı.-Mənə yox
deyirsən, az?! Deyəsən mamanın sağalmağını
istəmirsən axı?!
-Hey, kimsən orada? Burax qızı!-bu