i xala,-cəsarətini toplayan Kənan özünü
irəli verib ona tərəf getdi,-siz gəlin, oturun, yol
gəlmisiniz.-deyib onu oturacağa tərəf apardı.
Əligil də pillələri düşüb dəhlizə girdilər.
-Nə olub, oğluma nəsə olub?-Əsli xala daha da
təlaşlanıb çaşqın halda gah ona, gah da Əligilə
baxıb ağlamsınaraq soruşdu.
-Heç nə olmayıb, siz gəlin oturun.-Kənan
birtəhər onu oturdub özü də yanında oturdu.-
Mehdi bayaq pisləşmişdi deyə həkimlər yuxarı,
əməliyyata apardılar. Əməliyyat indicə bitdi,
narahat olmayın, hər şey yaxşıdır.
-Hə, doğrudan? Oğlum ölməyəcək, yaşayacaq?-
Kənan əməliyyat deyərkən təlaşdan gözləri
bərələn qadın indi də sevinc təlaşı ilə soruşurdu.
-Yox, ölməyəcək, inşaallah bundan sonra daha
da yaxşı olacaq.
-Əli, gözlərimə bax, gör, saralmayıb?-deyə
Yusif gözlərini iri açaraq Əliyə göstərdi.
-Yox, nə saralmaq?
-Vallah, bir anlıq elə bildim sarılıq keçirirəm. O
ki həkim otaqdan çıxıb bizə sarı gələn ara var
idi e. Özüm ölüm, heç Sevincgilin qapılarının
ağzında mamagil elçilikdən çıxanda elə
həyəcanlanmamışdım.
-Məni demirsən. Bir anlıq ağlıma beş il əvvəl
gəldi, Ayan xəstəxanaya düşəndə.-deyə Əli köks
ötürdü.-Elə bildim həkim yenə də "xəstəni
itirdik" deyəcək.
Elə bu vaxt liftin qapısı açıldı, tibb bacıları
təxminən iki saat əvvəl apardıqları Mehdini geri
gətirirdilər. Əsli xala həyəcanla ayağa qalxıb
onların qabağına getdi. Yaxınlaşıb oğlunun
əlinə, üzünə toxunmağa, ağlamsınaraq:
-Oğlum, nə oldu sənə? Niyə belə oldun?-deməyə
başladı.
-Xanım, xahiş eləyirəm, uzaqlaşın. Xəstə
əməliyyatdan təzə çıxıb, tərpətmək olmaz.-tibb
bacılarından biri dilləndi.
-Əsli xala, gəlin bu tərəfə. Görürsünüz ki Mehdi
yaxşıdır.-deyə Kənan onu kənara çəkdi.
-Yazıq deyilmi bu qadın?-Yusif onu göstərib
Əliyə baxır, başını bulayırdı.-Allah haqqı, o
İncidir, nədir, onu tutsam, iki kəlmə söz
deyəcəm. Gör heç zəng eləyib soruşurmu ki
ölübmü, qalıbmı deyə? Xəstəlik bəhanəsi ilə o
aradan çıxandır.
-Ay gədə, sakit!-Əli ona göz ağardıb sonra
kənara