irəliləyirdi ki qarşıdan gələn və
onun kimi qabağına baxmadan gedən Nicatla
çiyin-çiyinə toqquşdu. Geri atılıb onu görcək-
Bağışla, qabağıma baxmırdım.-deyib əlini onun
çiyninə vurub aralanmaq istədi.
-Daha qabağına baxmazsan da, qız sənin
gözlərini elə bağlamayıb ki.-deyə Nicat kinayə
ilə gülə-gülə dilləndi.
-Nə qız ə? Nədən danışırsan sən?-Kənan geri
dönüb ona yaxınlaşdı.
-Nə bilim, nə danışdığımı sən bilməlisən.
Məcnun kimi Leylanın dərdindən özünü yaman
dağa-daşa salmısan.
-Bax, indi gecikirəm, yoxsa sənə bu sözlərini
bir-bir yedirərdim.-Kənan barmağını silkələyib
yenidən aralanmaq istədi.
-Hara tələsirsən? Yenə də gizli nömrənin
dalınca qaçırsan?
-Dayan, dayan,-əsəbindən dişi-damağını
gəmirən Kənan sanki nəsə anlamıştək geri
qayıtdı,-yoxsa o gizli nömrə sənsən?
-Başın xarabdır, sənin?-Nicat duruxub geri
atıldı.-Mənim elə şeylərlə nə işim var? Mən
sözüm olanda üzə deyirəm.
-Bəs onda hara getdiyimi haradan bilirsən?
-Sizin bu gizli nömrə məsələnizi bütün
universitet bilir. Amma Leylaya halaldır, gizli
nömrə bəhanəsilə də olsa, səni özünə bağlamağı
bacardı da. Qızlar var e.
-Ayə, ..., Leyla haqqında danışanda sözlərinə
fikir ver.-Kənan qəzəblə onun yaxasından
yapışdı.
-Vay, vay, vay, deməli şübhələrim doğru imiş?
Deməli, o sənə görə mənə yox deyirmiş?-Nicat
kinayə dolu maraqla bir yaxasına, bir də
Kənana baxdı.-Deməli, sən də onu sevirdin və
ona görə məni ondan uzaqlaşdırırdın?-özü də
onun yaxasından yapışdı.
-Bu Leylanın öz qərarı idi. O səni istəmirdidi,
sənsə qırsaqqız olub yapışmışdın yaxasından.
-Sən sözdən qaçma ə, Leylanı sevməyin
yalandır?
-Belə ki yalan deyil, belə ki hə, onu sevirəm,
bundan sənə nə?!
-Ohh, qisas bu imiş.-Nicat məmnun şəkildə
dodaqlarını büzüb yuxarı boylandı.-Artıq sən
də, sənin o sevgilin də bütün universitetdə biabır
olmaq, nədir, bilərsiniz.
Kənan dönüb arxaya, onun baxdığı istiqamətdə
baxanda həm ətrafda, həm də pilləkənlərdə
onlara baxıb aralarında pıçıldaşan tələbə
ordusunu