, kiminlə gəzdiyini
görməzdən gəlirsən. Sonra da camaatın dilinə
düşürük.
-Birincisi mənim bacım haqqında ağzına gələni
danışan çox...nə isə...ikincisi də ki mənim hər
şeydən xəbərim var. Ayanın yanında görünən
oğlanla da danışmışam. Onun fikri ciddi olmasa
idi, mən onun bir dəqiqə də Ayanın yanında
fırlanmağına icazə verməzdim.
-Deməli, xəbərin var, hə? Deməli, bacının
Məleykənin oğlu ilə gəzməsinə göz yumursan? Nç,
nç, nç, mən də səni qeyrətli qardaş bilirdim.-
Dilşad xala təəssüflə başını bulayırdı.
-Mama, bunun qeyrətlə nə əlaqəsi var? Ayan da
gəncdir, sevməyə, ailə qurmağa onun da haqqı
var. Mən qardaşam deyə durub ona ciddi fikirlə
yaxınlaşan hər oğlana kəllə atmalıyam ki, ona
yaxın durmayın, onun turşusunu quracam. Bir
də ki mən Əlini tanıyıram, xasiyyətinə də,
bacıma qarşı olan münasibətinə də bələdəm.
Əgər Ayan onunla xoşbəxt olacaqsa, mən kiməm?
-Sənə inana bilmirəm, Ramin. O Əlinin bacına
elədiklərindən sonra sən bacının onunla
gəzməsini özünə necə sığışdırırsan?
-Mama, sən hər dəfə Əlidən söhbət düşəndə
eyni şeyləri deyirsən. Neyləyib e o mənim
bacıma? Bəlkə nəsə eləyib mənim xəbərim
yoxdur?!
-Bacını yarımcan eləyib aradan çıxan kim idi?
-Onun aradan çıxmasına səbəb olan, gözünü
qorxudan kim idi bəs?-Ramin kinayə dolu
maraqla anasına baxdı. Dilşad xala narahat
halda yerində vurnuxub gözlərini qaçırdı.-
Mama, sən Əlini niyə bəyənmirsən? Kasıbdır,
yetimdir, ona görə? Sənin o çox bəyəndiyin,
danışmaqdan doymadığın böyük kürəkənin Asif
kimi əliəyri, ona-buna atan deyil, ona görə?
Sənin bəyənməyib, ailənə yaraşdırmadığın oğlan
sənin ona elədiyin pisliyə rəğmən hələ də qızına
bu haqda heç nə deməyib.
-Nə bilirsən deməyib?
-Desəydi, Ayan çoxdan səndən üz döndərmişdi.
-Ayan qələt eləyər, məndən üz döndərər. Ikiniz
də uşaqsınız, sevgi gözünüzü elə tutub ki, başqa
şeyləri fikirləşmirsiniz.
Elə bu vaxt qapının digər üzündə maşın
dayandı. Ramin anasına baxıb astaca.
-Papagil gəldi. Mama, xahiş eləyirəm, bacıya