. Səhər açılmışdı.
Payızla qışın astanası olan noyabr ayı özünün
son günlərini yaşayırdı. Gün yenicə yarı
olmuşdu. Qərarından heç kimə bəhs etməyən
Dilşad xala işdən icazə alaraq əvvəllər yaşadığı
şəhərə gəlmişdi. Marşurutdan düşüb soraqlaşa-
soraqlaşa Əlinin işlədiyi kompüter təmiri
dükanını tapdı. Deyəcəklərini bir daha beynində
götür-qoy eləyib artıq qapısının ağzında olduğu
dükana girdi. Diqqətlə içəri göz gəzdirərək:
-Salam oğul, Əli burada işləyir?-deyə dükanda
olan Nahidi salamlayıb xəbər aldı.
-Bəli, siz kimsiniz?-əlini işdən ayıran Nahid
maraqla onu süzdü.
-Bir tanışam. Özü burada deyil ki?
-Biraz olar, çıxdı.-deyən Nahid bu vaxt qapıya
yaxınlaşan Əli görüb,-bax,-gəldi, de gəldi.-
deyə arxanı göstərdi.
Içəri girən Əli onu qapının ağzında qarşılayan
və kinayə ilə onu sürən Dilşad xalanı görcək
qeyri-ixtiyari geri atıldı.
-Nə oldu, məni görüb sarını uddun?-Dilşad xala
eyni ifadə ilə onu süzüb sonra-Gəl çölə, səninlə
işim var.-deyərək özünü qabağa verib qapıya
yaxınlaşdı. Əli üzündə narazılıq ifadəsi heç nə
başa düşmədən ona baxan Nahidə baxa-baxa
onun arxasınca çıxdı.-Deyir, ilanın yarpızdan
zəhləsi gedir, o da gəlib onun burnunun dibində
bitir.-Dilşad xalanın bu bənzətməsi Əlinin
üzündən istər-istəməz kinayəli bir təbəssüm
oyatmışdı. Dilşad xala isə sözünə davam
eləyirdi.-Sən Azərbaycan dilində qanmırsan?
Mən neçə dəfə sənin qabağını kəsib deməliyəm
ki qızımın yanında fırlanma, ondan uzaqlaş
deyə? Yəni, başa düşmək istəmirsən ki, mən səni
ailəmdə görmək istəmirəm?-Əli isə susur, bezgin
halda sağa-sola baxırdı.-Niyə başa düşmürsən
ki sən mənim qızımı xoşbəxt eləyə bilməzsən?
İkiniz də gəncsiniz, ağlınız bir qarış havadadır,
elə bilirsiniz ki sevgi ilə hər şey həll olunur.
Amma başa düşmürsünüz ki, sevgi qarın
doyurmur, bir vaxtdan sonra maddi problemlər
aradakı sevgini də öldürür. Mənim qızım varlıq
içində böyüyüb, heç vaxt heç nədən korluq
çəkməyib. Sən bunu bilirsən? Sən burada
qazandığın üç-beş manatla onun