hər istəyini
təmin eləyə biləcəksən?-Əli fikirli-fikirli
dükana sarı baxıb yüngülcə köks ötürdü.-
Bilməyəcəksən. Bunu özün də bilirsən, amma
yenə də dikbaşlıq eləyirsən. Bil ki sirkə nə qədər
tünd olsa öz qabını sındırar. Bax Əli, sənə
axırıncı dəfə xəbərdarlıq eləyirəm. Yaxşı-yaxşı
fikirləş və qızımdan uzaqlaş, əgər sinənə
döydüyün kimi onu həqiqətən də sevirsənsə.-
Dilşad xala bunları deyib pilləkənləri düşərək
ondan uzaqlaşmağa başladı. Əli isə onun
arxasınca baxır, dedikləri ilə razılaşmaq
istəməsə də şeytan yavaş-yavaş ağlını çəlir, onu
sözlərində həqiqət axtarmağa başlayırdı.
-Qaynana budur? Vay, vay, vay, yaman şeydir
ha.-bu vaxt arxadan gelen səsə diksindi. Arxaya
baxanda qapının arasında dayanıb bir ona, bir
də Dilşad xalanın arxasınca Nahidi görüb:
-Sən bizə qulaq asırdın?-deyə hirsini ona
tökdü.
-Allah quru iftiradan qorusun. Qulaq asmağa nə
ehtiyac var, qaynananın səsi içəriyə qədər
gəlirdi. Bu haradasa nazirlikdə zadda işləmir?
-Yox e, nə nazirlik, poliklinikada işləyir.-Əli
bunu deyə-deyə onu kənara çəkib içəri keçdi.
-Pah atonnan. Poliklinika həkimi də nazir kimi
danışır.-Nahid maraqla dodaqlarını büzdü.
-Sənə də tema lazımdır, çürüdəsən. Gəl içəri,
işimiz-gücümüz var.
-Sən niyə mal-mal onun üzünə baxırdın?
Cavabını verə bilmirdin?-Nahid qapını örtüb
içəri keçdi.
-Mən onun cavabını versəydim, sevdiyim insana
hörmətsizlik eləmiş olardım. Bir də biz onunla
ayrı-ayrı dillərdə danışırıq, ona görə də ona
söz deməyin mənası yoxdur.
Əlinin dedikləri qarşısında bir söz tapa bilməyən
Nahid dodaqlarını büzüb başını yelləməklə
kifayətləndi.
Coşqun Züleyxanı məktəbə ötürür, Züleyxa isə
yolboyu xəyallarından danışırdı.
-Uşaqlıqdan bəri tək istəyim müəllimə olub
kəndimizdə dərs demək olub. Çünki özüm də
orada oxumuşam, qışda soyuğunu, rütubətini
görmüşəm. Dağ kəndi idi, rayondan, ya da
şəhərdən gələn müəllimlər də bir ildən artıq tab
gətirə bilmirdilər. Ona görə də valideynlər çox
vaxt uşaqlarını, xüsusən də qızları