verməyə idin.
Qardaşın oğludur deyə, incimə, amma mənim o
oğlandan heç xoşum gəlmədi. Özü də türmədən
təzə çıxıb. Kukla kimi qızın var, bədbəxt eləmə.
-Neyləyim, ay Bahar müəllimə? Guya mən
fikirləşmirəm? Mən yox deyib göndərirdim, özü
dirəşdi ki, yox, nişanlanıram. Düzü, birinci dəfə
nişanlananda da etiraz eləməmişdi, amma
bilirdim, amma bilirdim ki, razı deyil. Digər
yandan da mənim bir ayağım o biri tərəfdədir,
qızlarımı onlara əmanət eləməyə məcburam.
-Mən ölmüşəm məgər, sən qızlarını onlara
əmanət eləyirsən?
-Çox sağolun, Allah razı olsun. Bu günə qədər
bizə çox yaxşılığınız dəyib, amma o da
qardaşımdır.
Bu vaxt eyvanın qapısı açıldı və bacısı ilə ard-
arda içəri girən Sevil Bahar müəlliməni görcək
duruxub geri getdi.
-Həə, belə çaşarsan e,-onu belə görən Bahar
müəllimə kinayə ilə başını bulayaraq ayağa
qalxıb ona sarı getməyə başladı,-dayan orada,
tərpənmə.-onun qolundan yapışıb-Gəl, biraz
səninlə söhbət eləyək.-deyib özü ilə bərabər çölə
çıxardı. Amiranə tərzdə-Sən iki gündür,
haradasan? Dərsə niyə gəlmirsən?-deyəd
soruşdu.
-Bb...Bahar müəllimə...mən...anama baxırdım.-
Sevil çaşqın şəkildə barmaqlarını darta-darta
cavab verdi.
-Yalan deyirsən axı. Vüsaləyə demisən, təhsilimi
donduracam. Nə məsələdir?-Sevil verəcəyi bir
cavabı olmadığı üçün başını aşağı salıb
susurdu.-Dayın oğlu qoymur oxumağa?
-Yyoox...-Sevil tez başını qaldırıb təkidlə
buladı.
-Bəs nə? Qulaq as, qızım. Mən bir böyük kimi
sənin ona ərə getməyinə razı deyiləm. Əgər məni
özünə böyük bilib, müəllimə, mənə xeyir-dua
verin, deyəcəksənsə, bu başdan deyirəm, mən
sənə xeyir-dua verən deyiləm. Yox, əgər
deyirsənsə ki o məni qorxudur, evlənməyə
məcbur eləyir, mən onu yerində oturtmağı
bilərəm. O hələ Bahar müəlliməni tanımır,
deyəsən? Sizi atasız, ananızı da xəstə görüb at
oynatmaq istəyir, amma mən onun atını
altından alaram. Heç nəyə görə narahat olma
və birinci gündən də dərsə gəl, eşitdin?
Bahar müəllimənin dedikləri Sevili az da