, atamı
tanıyırsınız, müharibədən əvvəl bir yerdə
işləmisiniz. Onun haqqında yaxşı sözlər
deyirdiniz. Amma biraz əvvəl məni qızınızın
yanında görməklə mənə, ailəmə qarşı olan
münasibətinizin dəyişməsini istəmərəm. Yəni,
deməyim odur ki, mənim sizin qızınıza-Ayana
qarşı münasibətim, fikrim ciddidir. Belə olmasa
idi, mən onun yanında olmazdım. Əslində mən
Ramindən sizin nömrənizi alıb sizinlə bu barədə
danışmaq istəyirdim, amma qismət belə imiş. Bu
cəsarətimi bağışlayın, bəlkə də mənim sizinlə
bunları danışmağım düzgün deyil, amma
istədim ki, bunu sizə özüm deyim. Başqa yerdən,
başqa adamlardan, tamam başqa formada
eşitməyin. Bilirəm, deyəcəksiniz ki, belə
ciddisən, elçini göndər, amma mən elçimin sizin
qapınızdan yaxşı xəbərlə qayıdacağına elə də
inanmıram, çünki Dilşad həkim məni çox da
sevmir. Ona görə ən yaxşısının sizinlə şəxsən
danışmaq olduğunu düşündüm.-həyəcandan
ürəyi boğazında döyünən, alma kimi qızarıb,
havanın bu soyuq vaxtında bədənini isti tər
basan Əli sözünü bitirib çəkinə-çəkinə ona
baxdı.
Bayaqdan səbrlə onu dinləyən Akif əmi bir anlıq
nəzərlərini onlardan on-on beş addım soldakı
maşından onlara sarı baxan qızına yetirib,
sonra üzünü Əliyə tutdu.
-Əvvəla, dürüst olduğun üçün sağol, cavan
oğlan. Mən dürüst, özü-sözü bir adamları
sevirəm. O ki qaldı digər məsələyə, o haqda
fikirləşərəm, indi sənə bir söz deyə bilməyəcəm.
Bir qərara gəlib sənə xəbər göndərərəm, sən də
onda baxarsan, ailəni göndərmək lazımdır, ya
yox.-Akif əmi bunları deyə-deyə ayağa
qalxarkən Əli də onunla bərabər qalxdı.-Hə,
Dilşad həkimə gəldikdə isə, sən ona görə
narahat olma, bizim evdə mənim sözüm keçir.-
deyib yüngülcə gülümsəyərək əlini Əlinin çiyninə
vurub dedi.
-Aha, başa düşdüm, çox sağolun.
-Nə isə, oğul, gecən xeyrə.-Akif əmi onunla
sağollaşıb çardaqdan çıxaraq maşına sarı getdi.
-Sizin də.
O maşına sarı gedərkən Əli içində qəribə bir
rahatlıq hissi ilə otursunmu, dursunmu deyə
bilmədən çardaqda o tərəf-bu tərəfə