var-gəl
eləyirdi. Bayaqdan onları izləyən və nə
danışdıqlarını təxmin eləyən Ayan isə maşında
öz-özünə danışmaqda idi:
-Görəsən, atam Əliyə nə dedi, acılamadı? Yox,
məncə acılamaz, əhvalı yaxşı görünür. Yaa, hər
şey bir yana, mən bu oğlanı çox sevirəm də,
vallah sevirəm. Ayy, Allahım, inşallah
haqqımızda xeyirli bir tale yazmısan. Bu
başdanxarab bilməsə də sən bilirsən, mən onsuz
bir gələcəyi təsəvvür eləmirəm.
Qonaq otağına girən Xəyal televizorda cizgi film
getməsinə rəğmən dirsəyini kreslonun yanlığına
söykəyib dodaqlarını büzərək dalğın gözlərini
döşəməyə dikən qızını görcək nə olduğunu başa
düşmədən ona sarı gəldi.
-Qızım, nə olub, niyə cizgi filminə baxmısan?-
deyə onun bərabərliyində oturub yüngülcə
burnunu dartdı.
-Eee... istəmiyəm.-balaca Gülay narazı halda
üzünü turşutdu.
-Niyə, ana küsdülüb səni?
-Yoox, mən dalıxıyam, oynamaq istəyiləm.
-Oynamaq istəyisən, get oyuncaqlalını gəti,
oynayaq.
-Yox, elə yox, mən bacı ilə oynamaq istəyiləm.
Mən bacı istəyiləm.
-Vay, vay, yaman yedə axşamladıq.-deyə Xəyal
dilucu öz-özünə dedi.-Neyləyisən bacını?
-Məlişin də bacısı va, Səbişin də bacısı va,
Oyxanın da bacısı da va, qaqaşı var, amma
mənim bacım yoxdu.-balaca barmaqları ilə bir-
bir saymağa başladı.
-Hmm, onda gəl, belə eləyək, biz gedək
leyləklələ xəbəl eləyək ki, bizə bacı gətisinlə,
yaxşımı?-Xəyal ağlına nəsə gəlmiştək özünü
qızına yaxınlaşdırıb astaca qulağına dedi.-Gəl,
atanın qucuna.-deyib sonra da onu qucağına
alaraq ayağa qalxdı.
-Hə, deyək, sabah dətisinləy.-Gülay sevincək
əllərini bir-birinə vurdu.
-Sabah yox, sabah tezdi. Yayda gətisinlə.
-Eee, mən yayda istəmiləm, mən indi istəyiləm.
-Gözəl qızım, indi ata da işləyi, ana da, bacıya
kim baxacaq? Yayda həm ata ilə ana evdə
olacaq, həm də bacı ilə tez-tez palklala,
gəzməklələ gedə biləcəyik. Bax, gölüsən ki indi
hava da soyuqdu, onu heç yelə apala
bilməyəcəyik. Ona gölə də yayda gətisinlə,
yaxşımı?
-Yaxşı, dedək, deyək.
Xəyal qucağında qızı ilə mətbəxə