ə doğru gələrkən
Xatirə də mətbəxdə kirli paltarları paltaryuyana
yığırdı.
-Anası, qızımız bacı istəyi, biz də gəlmişik,
leyləklələ xəbəl eləməyə.
-Bıy, bu haradan çıxdı?-Xatirə başını qaldırıb
mraqla onlara baxdı.
-Bütün dostlalının bacısı, qaqaşı va, təkcə
bizim qızımızın yoxdu.
-Hə, Cayoonun da bacısı va.
-Cayoo?
-Cizgi filmindəki uşağı deyi. Gəl, pəncələdən
baxaq, gölək, leyləklə gölünü?-deyə Xəyal
pəncərəyə yaxınlaşıb çölə boylandı.
-De, leylək-bu vaxt pəncərənin çöl tərəfinə
qonan sərçəni görən Gülay sevincək qışqırdı.
-Yox, o leylək deyil, səlçədi.
-Səyçədi?
-Hə, amma eybi yox, gəl biz buna deyək, o da
leyləyə çatdıla.
-Yaxşı. Səyçə, leyləyə deyəsən ki Cülaya bacı
dətiy, amma yayda dətiy. Yaxşı?-balaca qız
əlini pəncərənin şüşəsinə vura-vura deyirdi ki,
sərçə birdən uçub getdi.-A, uçdu ki?-deyə
Gülay məyus halda atasına baxdı.
-Səni eşitdi də. Getdi leyləyə xəbəl eləməyə. Hə,
sən də düş get, cizgi filminə bax, ata budadı,
leylək gələndə sənə xəbəl eləyəcək.
-Yaxşı.-balaca Gülay atasının qucağından
düşüb sevincək otağa doğru qaçmağa başladı.
Onun arxasınca baxıb gülümsəyərək başını
bulayan Xəyal isə sonra elektrik samovarına
yaxınlaşıb əli ilə isti olub-olmadığını yoxladı. Bu
vaxt hamamda çıxan Xatirə maraqla mətbəxə
boylanıb:
-Sənin bacı istəyən qızın hara getdi?-deyə
kinayə ilə soruşdu.
-Sən bizi ələ salma, anası. Biz uje leyləklələ
xəbəl eləmişik, yayda göndələcəklə.
-Hə, bu dəqiqə, siz anadan icazəsiz iş görün,
onlar da göndərsinlər.-zarafat qarışıq kinayə
ilə ağzını büzən Xatirə Xəyalın özünə çay
süzdüyünü görüb-Çay içirsən? Mənə də tök də.-
deyib yenidən hamama qayıtdı.
-Hə, bu dəqiqə. Sənə çay yoxdu, gəl özün tök.-
deyə onun arxasınca səslənsə də Xəyal o
hamama keçən kimi şkafdan əlavə bir stəkan
nəlbəki götürdü.
-Pah, heç tökmə.-içəridən Xatirənin səsi
eşidildi.
Onun üçün də çay süzüb stəkanlarla birlikdə
masaya yaxınlaşan Xəyal öz-özünə
gülümsəyərək masa arxasında oturdu.
Hamamdan çıxan Xatirə isə