b gözlərini
yummuşdu.-Asya, səninlə deyiləm?
-Yol...mək...int...uff, internetdə, internetdə
tanış olmuşuq.-nəhayətki bütün cəsarətini
toplayıb doğrunu deyə bildi.
-Və mənim bundan xəbərim yoxdur! Molodes!
Görüşürsünüz?
-Hə...bir-iki...beş-altı dəfə.
-Ooo, otliçna! A mənə nə vaxt deməyi
düşünürdün? Çünki bu özbaşınalıqla sən bizdən
xəbərsiz ərə də gedərsən.
-Yoox, mama, yox...prosto mən qorxdum.
-Ooo, qorxubmuş.İIlhamə xala kinayə ilə
dodaqlarını büzdü.-Sən hələ qorxub bu qədər
şey eləmisən, qorxmasaydın, nə eləyərdin, ya
uje ne prestaylyayu. İnternetdə harada,
feysbukda?-Asya başını yellədi.-Feysbukda
tanış olmusan, danışmısan, görüşmüsən,-bu
vaxt İlhamə xalanın bayaqdan əlində tutduğu
telefona Emilyadan vatsap mesajı gəldi.
"Heyatim ozunu niye bu qeder naza qoymusan?
Dedim axi sebebim tutarli idi. Cosquna gore
yalan danismali oldum. Kusme de prasu. frown
duyğusu heart duyğusu " Mesajı oxuyan İlhamə
xala kinayə dolu məmnunluqla dodaqlarını
büzüb başını yelləyə-yelləyə sözünə davam
elədi,-daje sevgili də olmusunuz, amma mənim
heç nədən xəbərim yoxdur. Ay qız, bəlkə bu gədə
narkomandır, başdanxarabdır, manyakdır,
nədir, sən niyə bilər-bilməz hər yoldan ötənə
inanırsan?
-Mama, vallah pis adam deyil. Sən özün də
məni tanıyırsan ki, insan sərrafıyam, papama
oxşamışam, pislə yaxşını o dəqiqə ayırd eləyə
bilirəm. Ona görə də narahat olma, dediyin kimi
pis oğlan deyil.-Asya birtəhər özünü ələ alıb
söykəndiyi yerdən dikələrək anasına sarı
gəlməyə başladı.
-Doroqoya, mən demirəm sən səhv eləmisən,
demirəm heç kimlə görüşmə. Uje öz qazancınla
ayaqlarının üstündə dura bilən müstəqil
insansan. Əlbəttə, sevəcəksən, seviləcəksən,
amma bunlardan mənim də xəbərim olacaq ki,
sabah, birisi gün papanın qabağında "xəbərim
var" deyə dura bilim.
-Mama, prasti də, nə olar, bu dəfəlik bağışla.-
Asya balaca uşaqlartək boynunu burub daha da
anasına yaxınlaşdı.
-Bilirsən, o da sənin kimi yalanı xoşlamır?
Şəklinə baxırsan?-deyib telefonu