ə pis şeylər fikirləşmə.
Bəlkə təzədən məktəbə qayıtmalı olub? Gəl elə
bu istiqamətdə də gedək, bəlkə qabağımıza
çıxdı?
-Inşaallah.-onlar yavaş-yavaş addımlayıb
Yusifin dediyi istiqamətdə getməyə başladı.
Yusif ətrafa göz gəzdirib əlini uzadıb Sevincin
əlini tutdu.-Sevgilim, xəbərin var, yenə tək
qalmışıq?-deyə bic-bic gülümsəyərək ona baxdı.
-Yusif, yaxşı da fürsətcil olma, görən olar.-
Sevinc ehtiyatla ətrafa baxıb əlini onun əlindən
çəkmək istədi.
-Kim görürsə görsün, vecimə deyil, bütün dünya
qarşımda dursun, mənim dünyam yanımda
olandan sonra vz gələr, trz gedər.-Yusif sevgi
dolu təbəssümlə ona baxıb əlini daha möhkəm
tutdu.
Yusiflə danışandan sonra Ayan üçün daşıyan
Əli onun səsini eşitmək üçün kontaktlara girdi.
Lakin atasının yanında olduğunu xatırlayıb
onun adında dayanıb zəng eləsinmi, eləməsinmi
deyə düşünməyə başladı. Elə bu vaxt telefon özü
zəng çalmağa başladı. Ekranda Raminin adını
görcək təəccüblənib zəngi açdı.
-Hə, Ramin?
-Alo, Əli, Ayan yanındadır?-digər tərəfdən
Raminin təlaşlı səsi eşidildi.
-Yoox, nə olub ki?-bu Əlini də təlaşlandırmışdı.
-Papa Ayanın arxasınca gəlib, gözləyib,
gözləyib, Ayan çıxmayıb, telefonuna zəng eləyib
Ayan açmayıb. Sonra məktəbə görüb soruşub,
deyiblər ki çoxdan çıxıb. Kişi orada dəli olub,
biz də burada. Deyirəm bəlkə sə...
-O qaçırıb? Ona de ki, yalan danışmasın, əgər
qızıma nəsə eləsə var ha, onu...-Raminlə
bərabər dəstəyin digər ucundan Dilşad xalanın
da səsi eşidilirdi.
-Ay mama, yaxşı!-anasına acıqlanan Ramin
sonra yenidən Əldə döndü.-Hə Əli, deyirdim,
bəlkə səninlədir?
-Vallah yanımda deyil, Ramin, olsa sənə niyə
yalan danışım? Akif əmi ilə təzə danışmışam,
ona görə də bu aralar Ayanın yanında
görünmək istəmirəm. Bəlkə iş yoldaşıgilə gedib?
-Yox e, nə iş yoldaşı? Lap getsə də bizə niyə
demir? Nə isə, Əli mənə ikinci xətdən zəng gəlir,
bir şey bilsən mənə də xəbər elə.
-Mütləq. Elə mən də axtaracam, hər yerə
baxacam.-telefonu söndürən Əli təlaşlı şəkildə
əlini