ağzına tutub divara söykəndi.-Allahım,
qurban ölüm, məni üçüncü dəfə sınama, dözə
bilmərəm. Ona qovuşmuşkən yenə də onu əlimdən
alma. Mənə güc ver, onu tapmağa güc ver.-
üzünü ulduzlarla dolu bərq vuran səmaya tutub
öz-özünə bir qədər danışdı. Sonra ağlına nəsə
gəlmiştək-Xatirə müəlliməgil!-deyə sevincək
qışqırdı.-Hə də, Ayan yüz faiz onlardadır.-
ayaqlanaraq ümidlə yoluna davam elədi.
Xəyal qonaq otağında qızı ilə cizgi filminə
baxarkən Xatirə əlində çanta qapıda göründü.
Üzündə narahatlıq dolu bir ifadə var idi.
-Xəyal, mən aşağı düşüb gəlirəm.
-Aşağıda nə işin va?-Xəyal heç nə anlamadan
ayağa qalxıb təəccüblə soruşdu.
-Ayanın keçən dəfədən bir-iki şeyi qalmışdı,
indi aşağıdadır, onları verib gəlirəm.
-Tək düşüsən? Istəyisən ve, apalım mən velim.
-Yox, yox, başqa şey də var, özüm verəcəm. Sən
uşağın yanında ol.-artıq ayaqqabı və paltosunu
geyinən Xatirə qapını açıb sağollaşaraq çıxdı.
Xəyal isə qapını örtüb içəri-qızının yanına
qayıtdı. Amma nədənsə içində qəribə bir
narahatlıq var idi. Birinci mərtəbəyə çatan
Xatirə narahat halda sağa-sola boylana-
boylana binanın arxa tərəfinə keçdi. Telefonunu
çıxarıb yarım saat əvvəl ona zəng eləyən
nömrəni yığdı.
-Haycan?
-Canına azzar! Hansı cəhənnəmdəsən?
-A, olmadı ki, əzizim. Mən sənə nə dedim?
Sevimli xalanı qızına nəsə eləməyimi
istəmirsənsə, mənimlə xoş danışacaqsan, nə
dedimsə eləyəcəksən.
-Əgər Ayana nəsə eləməyə cəhd eləsən var ha,
Allaha and olsun, sənin o sağ qıçını da mən
qırıb verərəm əlinə.
-Inanıram, inanıram, boş yerə deməyiblər ki,
pişik balasını çox istədiyindən yeyər. Sən hələ
bura gəl, onda baxarıq, kim kimə neyləyəcək.
-Gəlirəm, evdən çıxmışam. Sən haradasan,
Ayanı hara aparmısan?
-Sşş, sakit, eşidən olar. Bayaq demədim, bunu
ikimizdən başqa heç kim bilməyəcək deyə? Polis-
molis, Xəyal-məyal, çaşıb özünlə kimisə
gətirməyə cəhd eləsən, Ayanı unut.
-Qorxma, heç kimi gətirmirəm. De görüm,
haradasan?
-Dəyirmanın yanında. Gələn kimi görəcəksən,
xırda evlər