otağına
çağrıldılar. Rəisin otağında daha tez çıxan Əli
bir kənarda dayanıb telefonla danışırdı çox
keçmədi ki, Xatirə ilə Ayan ard-arda içəridən
çıxdılar. Xatirə Xəyalı tapmaq üçün aşağı
düşdü, Ayan da Əliyə yaxınlaşdı.
-Nə yaxşı buradasan? Mən elə bildim, sən
getmisən?
-Heç səninlə sağollaşmadan gedərəm? Yaran
necədir, incidir?
-Belə də, yüngül göynərti var. Kiminlə
danışırdın?
-Yusiflə. Mən sənin yanına gələ bilmək üçün
yolda İsmayılın maşınını qaçırmışdım axı.
İsmayıl da sonra yolda Yusiflə Sevincə rast
gəlib. Sevinc də səndən xəbər ala bilməyib Yusiflə
bir yerdə səni axtarmağa çıxıb. İsmayıl da
yolda bunlara rast gəlib mənim maşınını
qaçırdığını deyincə lap dəli olublar. Elə biliblər,
sənə nəsə olub, xəstəxanadasan, mən də sənin
arxanca gedirəm. Qaranəfəs xəstəxanaya
gediblər. İndi də Yusif deyir, biz sizi
xəstəxanada axtarırdıq, sizin sorağınız polisdən
gəlir.
-Ayy, bütün şəhər bizdən xəbər tutubmuş ki.-
Ayan dodağını dişləyib başını buladı.
-Hə, indi də onlar evə gedirlər, İsmayıl da
maşının arxasınca gəlir.
-Əli, bu gün elədiklərin üçün çox sağol. Yaxşı ki
gəldin.
-Elə bu?-Əli narazı halda üzünü turşutdu.
-Nə olmalı idi ki?
-Mən bu boyda fədakarlığı bir quru çox sağol
üçün eləmişdim? Adam bir ağ atlı şahzadəsinin
əlindən tutar, bir səni sevirəm, deyər, yoxsa çox
sağol nədir?
-Əli, yaxşı da yeri deyil.-Ayan ehtiyatla ətrafa
baxıb dilləndi.
-Pah, guya yeri olanda deyirsən? Yaxşı, yaxşı,
zarafat eləyirəm, o dəqiqə dodağını büzmə.-Əli
barmaqlarını onun barmaqlarına toxundurub
bir-iki addım ona sarı yaxınlaşaraq astaca-
Səni sevirəm.-dedi. Həyəcanlanan Ayan
gülümsəyərək gözlərini qaçırdı.-Bu gün sənin
üçün çox qorxdum, Ayan. O evə çatıb səni sağ-
salamat görənə qədər ağlıma nələr gəldi, bir
Allah bilir.-elə bu vaxt Akif əmi pilləkənin
başında göründü və Əli onu görcək Ayanın əlini
buraxıb göz-qaşla ona arxanı işarə elədi. Sonra
narazı halda dodağının altında-Ufff, Akif
əmi, serialın ən maraqlı yerində araya