i həftədir
şüursuz halda reanimasiyada yatan Mehdi yenə
dostlarına iş-gücü atdırıb onları başına yığa
bilmişdi. Emre qulağında telefon dəhlizi o baş-
bu baş edərkən İsmayılgil də yığdıqları məbləği
müzakirə edirdilər. Əli əlindəki açıqcaları bir-
biri göstərə-göstərə deyirdi.
-Bu Ayanla məndən, bu Sevinclə Yusifdən, bu
smaylikdən, bunu da Kərəm Rusyetdən
göndərib....üç, beş, altı onda beş ,.. on iki, heç
yarısını yığa bilməmişik ki.
-Neyləyim, mən gedim kredit götürüm?-Yusif
əlləri belində oradakılara baxaraq dilləndi.
-Bu sual uje artıqdır, götürmək lazımdır-
İsmayıl da dilləndi.
-Onda gəl də mənimlə, zamin dur, götürək.
-Problem yoxdur. Amma görək hələ Emre nə
deyir.
Elə bu vaxt İnci pilləkənin başında göründü.
Həyəcan, yuxusuzluq, vicdan əzabı, qeyri-
normal rejim onu əldən salmış, soldurmuşdu.
-Uff, bu yenə də gəldi?-onu görcək Yusif bezgin
və əsəbi halda üzünü turşutdu.-Vallah, bir gün
bununla əməlli-başlı dalaşacam.
-Yaxşı da Yusif, nə vermisən bu qıza ala
bilmirsən?-deyə Əli tərs-tərs ona baxıb
dodağının altında dilləndi.
-Mixaylonu almışıq, verə bilmirik. Başqa sözün
var?
-Salam oğlanlar, nə xəbər var, pul yığıldı?-İnci
Yusifin dediklərini eşitsə də onun bu
reaksiyasına öyrəşdiyi üçün heç nə demədən
üzünü digərlərinə tutdu.
-Utanmaz-utanmaz soruşur da. Əğstəfurullah!-
Yusif daha da əsəbiləşib dodağının altında
deyinə-deyinə oradan uzaqlaşdı.
-Yığılıb, amma yenə də yarısı çatışmır.-
İsmayıl məyus halda dilləndi.
-Bunu da götür, gör nə qədər eləyir?-İnci
çantasından çıxardığı açıqcanı Əliyə uzatdı. Əli
götürsünmü, götürməsinmi deyə çaşqın halda
İsmayıla baxarkən İnci yenidən dilləndi.-Ona
niyə baxırsan? Pulu verən mənəm, götür!-deyə
açıqcanı onun əlinə tutuzdurdu.-Beşdir, amma
sən yenə də say.
Telefon danışığını yekunlaşdıran Emre də
onlara yaxınlaşdı. İsmayıl ona baxıb:
-Kanka, nə olar bizə yaxşı xəbər de.-deyə
yalvarantək dilləndi.
-Vallah, yaxşı haber olması size bağlı. Kemal
doktor yarın vatana