dönüyormuş, eğer öğlene
kadar yeterl parayı hesabına geçire bilirsek,
öğleden sonra ameliyyata girebilirmiş. Siz ne
yaptınız, ne kadar toplandı?
-Yarıbayarı.-Əli məyus halda dilləndi.
-Smayl, davay, gedirik.-Emreyə görə yenidən
onlara yaxınlaşan Yusif İsmayılın qolundan
yapışdı. Sonra üzünü Emreyə tutub-Abi, sən o
Kemaldır, nədir, o həkimə zəng elə, de ki,
əllərini yuyub hazır dayansın. Biz uzağı iki
saata pulu hesabına köçürəcəyik.-zarafatından
da qalmayaraq Əlinin əlindəki açıqcaları
götürərək-Ver bura, sənə ağırlıq eləyər.-deyə
göz vurdu.
-Dur, ben de sizinle geleyim. Burada yapa
bileceğim bir şey yok, zaten. Sonra doktoru
falan getirmek gereke bilir. Ali, sen de
buradasın değilmi? Kız da burada.
-Hə, narahat olma, siz gedin. Birazdan Kənan
da gəlməlidir.
Beləcə Emre Yusifgille gedərkən İnci də məyus
halda keçib oturacaqda oturdu. Əlləri cibində
dəhlizin ortasında gah Yusifgilin arxasınca, gah
da İnciyə baxan Əli sonra keçib İncinin yanında
oturdu.
-Narahat olmayın, pul yığılıb, həkim də tapılıb,
Mehdi də ki, bilirsiniz, tərsin biridir. Ona görə
də qorxmayın, hər şey yaxşı olacaq.
-Bu təsəllidən başqa bir şey deyil.-İnci yorğun
və kinayəli nəzərlərlə Əliyə baxdı.-Əslində
bunların heç biri olmamalı idi, Mehdi burada
yatmamalı idi. Hər şeyin günahı məndədir? Siz
günahkarlıq duyğusu nədir, bilirsiniz?
-Günahkarlıq duyğusu?-Əli ona baxıb kinayə ilə
gülümsündü.-İnanın ki, bunu bu dünyada
məndən daha yaxşı heç kim bilə bilməz. Mən də
beş il əvvəl sevdiyim insanın ölümcül vəziyyətə
düşməsinə səbəb olmuşdum. Mən nə ona ürəyimi
aça bilmişdim, nə də onun sevgisinə layiq ola.
Amma o mənə görə özünü ölümə atmışdı.
Bununla belə, mən yenə də onu atıb qaçdım,
oyananda yanında ola bilmədim, bağışla deyə
bilmədim, qorxdum və qaçdım. Düzdür, ondan
uzaqlaşmağımın başqa səbəbi də var idi. İndi
deməyim odur ki, Mehdini sevməsəniz də
vicdanınız sizi ondan uzaqlaşmağa qoymur.
Bəlkə də bizdən də çox buradasınız. Ona görə
də özünüzü bu