onun yanında oturub onun
əllərini ovur, Əsli xalagil yan oturacaqda, Əli
isə ayaq üstdə ona baxırdılar.
-İnci, indi necəsən?-deyə Sevil narahat halda
soruşdu.
-Yaxşıyam.-İnci gözlərini açmasa da başını
yellədi.
-Özünüzü necə hiss eləyirsiniz, başınız
fırlanmır?-deyə tibb bacısı da soruşdu.
-Biraz.
-Yəqin təzyiqiniz düşüb. Səhər çörəyini
yemişdiniz?
-Deyəsən yox.
-Elə ona görə təzyiqiniz düşüb. Stress də bir
yandan. Səhər çörəyi vacibdir.
-Yeməz də, fiqura saxlayır axı. Elə bilir, belə
qupquru, taxta kimi olanda oğlanların xoşuna
gələcək.-Əsli xala ağzını büzə-büzə diləndi.
-Əsli xala, İnci idmançıdır.-Sevil dilləndi.
-Olsun da idmançı. İdmançı olanda çörək
yemirlər?
İnci nəinki ona cavab vermir, heç gözlərini də
açmırdı.Bu vaxt Sevilin telefonuna zəng gəldi. O
bir neçə kəlimə danışdıqdan sonra yenidən
İncidən halını xəbər aldı və getməli olduğunu
deyib oradakılarla sağollaşaraq xəstəxanadan
çıxdı.Son davalarından sonra Xatirə ilə Xəyalın arası
əməlli-başlı soyumuşdu. Gülayın yanında deyib-
gülür, özlərini heç nə olmamıştək aparırdılar.
Lakin uşaq hissiyatı daha güclü olur deyirlər.
Balaca Gülay da valideynlərinin bu süni
gülüşünə aldanmır, getdikcə daha ağlağan və
küskün olurdu. Qızının başına gələnlərdən
bilavasitə xəbər tutan Gülşad xala dərhal ona
zəng eləmiş, Xatirənin telefonda özünü saxlaya
bilməyib ağlamasından sonra durub onlara
gəlmişdi. Çətinliklə də olsa ondan əslində nə
olduğunu öyrənmiş və indi də onu danlayırdı.
-Məncə, Xəyal düz deyir. Sən yoldaşını
saymadan belə bir iş tutmamalı idin. Özünü bir
onun yerinə qoy, o səni aldatsaydı, sən onu
bağışlayardın?
-Ay ana, axı bunlar eyni şeylər deyil. Mən onu
aldatmamışam, buna məcbur idim.
-Xəyal üçün eyni şeydir. Sən heç düz
eləməmisən, qızım.
-Off, ay ana, başa düşmürəm, sən kimin
anasısan, kimin qayınanası? Sən niyə
dayanmadan onun tərəfini tutursan? Heç kim
məni başa düşmür, başa düşmək istəmir ki,
Ayanın həyatı təhlükədə idi, o yaramaz onu
incidə