ə bilərdi.
-Hamı səni başa düşür e, sən bizi başa düşmək
istəmirsən. Sən Ayanı qurtarım deyə yalan
danışım getmişəm deyirsən. Amma ikinizi də
çətin vəziyyətə sala bilərdin, qızım. Hər şey
daha pis qurtara bilərdi. Əslində ərlə-arvad
arasında sirr, yalan olmamalıdır. Yalan bir
dəfə araya girdimi, corab söküyü kimi ardı
gələcək.
-Bizim aramızda heç vaxt sirr, yalan olmayıb,
bütün problemlərimizi bir yerdə həll eləmişik.
Hər insan səhv eləyə bilər. Mən məcbur olduğum
üçün elədim. O isə məni başa düşmək,
bağışlamaq istəmir.
-Deyir uman yerdən küsərlər. Ona görə də insan
çox istədiyi adamlardan tez inciyir. Xəyal da
səni çox istəyir, qızım, vallah çox istəyir. Bəlkə
sən bunu görə bilmirsən, amma bu kənardan çox
gözəl görünür. Bir dediyini iki eləmir, üstünə
əsir, başına pərvanətək fırlanır. Bu zəmanədə
belə ər...sən isə şadlığından şitlik eləyirsən.
Vallah heç qardaşın arvadının üstünə belə
titrəmir. Sən isə soyuqsan ki, soyuq, toçnı atana
oxşamısan. Ay qızım, əgər bu oğlanı
istəmirdinsə, könlün yox idisə, niyə ona ərə
gəlməyə razılıq verdin? Həm onu bədbəxt elədin,
həm də özünü.
-Ay ana, kim deyir ki, mən onu istəmirəm, kim
deyir ki, mən bədbəxtəm? Mən yoldaşımı sevirəm
və onunla xoşbəxtəm. Əgər o da sinəsinə döydüyü
kimi məni belə çox istəyirsə, məni başa düşməli
və bağışlamalıdır.
Öz evlərindəki gərgin abu-hava azmış kimi bir
də qardaşı haqqında qulağına çatan xəbərlər
Xəyalı bərk əsəbləşdirmiş və o məktəbə
getməyərək evdən birbaşa "Rayal"a gəlmişdi.
Əsəbi halda içəri girsə də müştəri olduğunu
görüb dayandı. Özünü elə alaraq rəflərə
yaxınlaşdı. Biraz sonra müştəri də çıxdı və
Rafiq qardaşını qabaqlayıb:
-Xoş gəlmisən. Xeyir ola, məni yuxunda
görmüsən?-deyə kinayə ilə soruşdu.
-Sən nə vaxt adam olacaqsan, hə? Nə vaxt bu
başını işə salıb nə elədiyini fikirləşməyə
başlayacaqsan?
-Neyləmişəm e, yenə də? Kim səni fitilləyib
üstümə göndərib?
-Mama zəng eləmişdi. Yazıq alvadın
ağlamaqdan səsi çıxmıdı. Əsməli niyə