sabahdan gələcəm.
-Nə isə, mən gedim, hələlik.-deyib Leyla ondan
uzaqlaşmağa başladı.
-Get, hələlik.-desə də Kənan sonra nəsə yadına
düşmüştək-Leyla-deyib onu səslədi.
-Hə?-Leyla həyəcanla geri döndü.
-Şşeeyy...çox sağol, pul üçün, düşündüyün üçün
çox sağol.-əslində demək istədikləri bunlar
deyildi.-Bəs sən haradan bildin?
-Elvini gördüm bu gün, səni soruşdum, dedi ki,
sinif yoldaşının əməliyyatı üçün pul yığırlar.
Mən də təqaüdümü çəkdim, dedim mənim də bir
xeyrim toxunsun.
-Lap yaxşı, bir daha çox sağol.
-Sən də sağol.-Leyla Kənanın yenə də heç
deməyəcəyini bildiyi üçün sağollaşıb pilləkənə
sarı getməyə başladı.
Digər tərəfdə isə, yan oturacaqlarda Incinin
özündən getməsindən sonra aralarındakı buzlar
yavaş-yavaş əriməyə başlayan Inci ilə Əsli xala
söhbət edirdilər. Əsli xala oğlunu istəmədiyi
halda onu özündən uzaqlaşdırmadığı üçün
Incini danlayır, Inci isə özünü müdafiə edərək
dəfələrlə xəbərdarlıq elədiyi halda oğlunun
ondan əl çəkmədiyini deyirdi.
Siqaret yalanına görə Coşqundan incisə də, onun
üzrxahlığından sonra Züleyxa növbəti dəfə onu
bağışlamış və münasibətlərinə qaldıqları yerdən
davam eləyirdilər. Coşqun dükanı Emilə tapşırıb
Züleyxanı məktəbə ötürürdü. Bir qədər gündəlik
problemlərdən danışandan sonra Coşqun sözlü
adamlar kimi Züleyxaya baxdı.
-Yadıma düşmüştək deyim, bizimkilər tezliklə
nişan gətirmək istəyirdilər. Sən də evdəkilərə
de.
-Nişan? Tez deyil?-Züleyxa duruxdu.
-Nəyi tezdir? Uje qış girib, nişan olsun ki, toya
qədər arada vaxt qalsın da.-Züleyxa dinməsə
də üzündəki ifadə narazı olduğundan xəbər
verirdi.-Nədir, istəmirsən yoxsa?-bunu Coşqun
da anlamışdı.
-Əslində bir-birimizi hələ yaxşı tanımırıq.
-Ay qız, necə yəni yaxşı tanımırıq? Üç ay sizə
azlıq elədi? Dayan, dayan, yoxsa razı deyilsən?
-Bilmirəm.-Züleyxa gözlərini yerə dikib astaca
dilləndi.
-Necə yəni bilmirəm? Arada bu boyda elçilik
olub, böyüklər danışıb, bütün qohum-əqrəba da
bilir ki, Nurəddinin qızını Fəxrəddinin