öz
xəyalımdakı idealı sənin üstündə yaratmaq
istədim. Müsbət cəhətlərinə fikir vermədən
mənfi cəhət axtardım. Bağışla. Sən də mənə
dözməyə məcbur deyilsən.
-Yaxşı, son qərarın nədir? Neyləyək?
-Mənə bir neçə gün vaxt ver, fikirləşmək
istəyirəm. Bir neçə gün bir-birimizi axtarmayaq.
Ikimiz də düşünək görə pis xasiyyətlərimizdən əl
çəkib davam eləyə biləcəyik?
-Uff, yaxşı, qoy bu dəfə də sən deyən olsun.
Amma axırıncı dəfə. Eşitdin?
-Eşitdim. Yaxşı, mən çatmışam, sən qayıda
bilərsən. Hələlik.
-Yaxşı, hələkik.
Artıq yarım saatdan sonra Xatirə ilə anası
Xəyalın gətirildiyi xəstəxanaya çatmışdılar.
Rafiq dəhlizdə oturub əlləri ilə başını
qucaqlamışdı. Bu vaxt pilləkənləri çıxıb dəhlizə
girən Xatirə onu görcək təlaşla soruşdu.
-Rafiq, Xəyala nə olub?
-Bilmirəm. Mənim yanıma gəlmişdi, sonra çıxdı,
sonra da bir uşaq qaça-qaça gəldi ki, bəs Xəyal
müəllim yıxıldı. Mən özümü çatdıranda adamlar
başına yığışmışdılar, dilini qaytarmağa
çalışırdılar, gözləri zadı çevrilmişdi.-Rafiq
ayağa qalxıb həyəcanla danışırdı.
-Ay Allah, ona bir şey olsa, mən neyləyəcəm?-
Xatirə ağlamsınaraq əlini ağzına tutub oturdu.
-Mənə görə oldu, onun bu vəziyyətə düşməsinə
səbəb mənəm. Dalaşdıq, mən onu qovdum, get
dedim, sənin kimi qardaşım yoxdur, dedim. Kaş
deməz olaydım
-Yaxşı oğlum, özünü elə al, otur. Adam hirsli
olanda hər şeyi deyir.-Gülşad xala onu
sakitləşdirib oturtdu.-Sənubərə, mamana
demisən?
-Yox, onunla da üz-göz olmuşam. Indi zəng
eləyib oğlunu bu vəziyyətə salmışam deməyə
qorxuram.
Elə bu vaxt həkim otaqdan çıxdı. Onu görcək
oradakılar ayağa qalxıb təlaşla ona sarı
gəldilər.
-Həkim, qardaşım necədir? Nə olar deyin ki,
qardaşıma heç nə olmayıb.
-Sakit olun, hər şey yaxşıdır. Xəstə miakart
infarktı keçirib. Lakin vaxtında gətirildiiyi və
düzgün ilk yardım göstərildiyi üçün həyati
təhlükəsi yoxdur. Görünür, son vaxtlar çox stress
keçirib, ya da gərgin fiziki işlə məşğul olub. Belə
olanda ürək damarlarında sıxılma olur, bu da
infarkta