yumdu. Xatirənin
indi onun qayğısına belə qalması onu incidirdi,
çünki bunu onu sevdiyi üçün deyil, vicdan əzabı
çəkdiyi üçün elədiyini düşünürdü. Elə Xatirə də
onu bu qədər incitdiyi üçün peşman olmuşdu.
Tibb Universiteti. Leyla universitetin
bufetlərindən birində rəfiqələri ilə nahar eləyir,
həm də onlarla birlikdə nədənsə danışıb-
gülürdü. Bu vaxt bufetin qapısında görünən və
olduğu yerə nabələd adamlar kimi ətrafa baxa-
baxa yavaş-yavaş addımlayan Kənanı görcək
qaçan dodaqları yığıldı, gülən simasına həyəcan
qarışıq bir narahatlıq çökdü. Arxaları qapıya
olduğundan qızlar ona nə olduğunu anlamadan
bir-birilərinə baxdılar. Sonra Leylanın baxdığı
istiqamətə baxan Natəvan yenidən irəli dönüb:
-Hə, deyirəm axı, niyə bir deyib günün üzünü
bulud aldı?-deyə Səbinəyə işarə elədi.
-Bıy, Kənan bizim bufetdə nə gəzir?-Səbinə isə
təəccüblə bir arxaya, bir də digər qızlara baxdı.
-Nə gəzəcək, bizim bufetin yeməkləri o
birilərindən daha dadlıdır, məncə ona görə
gəlib. Ya da qızları digər qızlardan daha
qəşəngdir.-Natəvan bunu deyərkən maraqla
Leylaya baxırdı. Leylanın ona göz ağartdığını
görüb-Nədir, tək qəşəng qız sənsən burada?-
deyə heç nə olmamıştək çiyinlərini atdı.
-Açığını deyim, məncə, o bura Leylaya görə
gəlib.
-Səbiş!-Leyla ona da göz ağartdı.
-Nədir, kor-kor, gör-gör! Yazıq uninin
koridorlarını Məcnunun səhralarına döndərib.
Onun da səni sevməyini istəmirdin, daha nə
istəyirsən? Mütləq gəlib qabağında diz çöküb
"ilani aşk" eləməlidir?
-Yazığı yaxın gəlməyə qoyur ki, heç? Axırıncı
dəfə üstünə necə püskürdüsə.
-Qızlar, siz məni ələ salmısınız, ya doğrudan
onun tərəfindəsiniz?! Onun ucbatından mən
bütün universitetə biabır olmuşam e. Ən az gizli
nömrə qədər başı xarabdır. Dediyi sözün
arxasında dursa, hər nə isə...
-Aha, tutdum səni! Eşitdin də, Natış?-Səbinə
bic-bic göz-qaş oynadaraq Natəvana baxdı.
-Eşitdim, eşitdim, deməli, bizim qara qız buna
görə naz eləyirmiş. Az, sən bu gizli nömrəyə-o
xəstə qonşu oğludur, nədir,