z səndən
başqa hamıdan eşitdim, Kənan.-Leyla bunu
deyərkən ağlamsınaraq onun gözlərinə baxdı.
-Bunu mənə yox, özünə de. Nə qədər ki, mənə
qarşı bu qədər aqress, tikanlı olacaqsan, nə
qədər ki, məni özündən itələyəcəksən, məndən
başqa hamıdan eşidəcəksən.
-Çətin oldu, hə?! Nazıma dözmək çətin oldu.
Halbuki sən Zərifənin də, onun qardaşının da
nazına bundan daha çox dözmüşdün.
-Uff Leyla, sən niyə yenə də Zərifə məsələsini
açdın?-Kənan bezgin şəkildə üzünü turşutdu. -Çünki bu məsələ heç bağlanmayıb. Sən onu
unutmaq üçün məndən istifadə eləmək
istəyirsən. Əli Ayana görə Sevincdən istifadə
elədiyi kimi. Nə də olsa Leyla dərdimdən ölür
də. Gəl desəm, qaça-qaça gələcək.
-Sən heç özün də nə danışdığını bilmirsən.
İcazə ver, buna özüm qərar verim.
-Sən heç qərar verə bilirsən ki? Bunun üçün də
dost zəng metodundan istifadə eləyirsən. Zrrr,
alo, Çıraq, axşam mənə zəng elə, danışmalıyıq,
çox vacibdir. Zrrr, alo, Çıraq, səhvən orada bir
kitay tapıb Leylanı unutmamısan. Unutmusansa,
onu mənə halal eləyə bilərsən. Mən Zərifəni
unutmağa çalışıram, bilmirəm başımı necə
qatım.-danışdıqca Leyla səsini daha da
qaldırır, gözləri dolurdu.
Eşitdikləri Kənanı təəccübləndirsə də sonra
birtəhər özünü ələ aldı. Təmkinini pozmadan:
-Sən yerə pis dəymisən deyəsən. Get evə, biraz
dincəl, özünə gəl, sonra danışarıq.-deyə
dilləndi.
-Nç, inanmıram ki, səninlə daha nə vaxtsa
danışaq.-Leyla bir gözü arxada ayağa qalxıb
çantasını Kənandan aldı.-Zərifəni unutmaq
üçün özünə başqa qız tap, uni qız qaynayır.-
deyib çardaqdan düşüb həyətboyu getməyə
başladı.
Kənan da ayağa qalxıb onun arxasınca getmək
istəyirdi ki, bu vaxt universitetin həyətinə girən
Etibar əmini görüb dal-dala qayıdıb Leylanın
yerində oturdu.
-Ay Leyla, Leyla, öz dediklərinə heç özün də
inanmırsan. Mən o boyda Qadirin öhdəsindən
gəlmiş adamam, səndənmi əl çəkəcəm?-deyə
onun arxasınca baxıb öz-özünə danışmağa
başladı.Məşqdən yorğun çıxsa da İncinin ürəyi sözünə
baxmamış, günboyu yaşadığı