yazılıb. Və üç il də bunun
xoşbəxtliyi ilə yaşayıb özümü aldatmışam. Sən
bir Ayan sevirsən, amma o mən deyiləm. Ona
görə də,-onun sol əlini tutub,-özünü də, məni
də bədbəxt eləməyinə icazə verə bilmərəm.-deyə
üzüyü onun barmağından çıxarmağa başladı.
Əli isə nitqi qurumuş şəkildə heyrətlə onu
izləyirdi. Ayan ikisinin də barmağındakı
üzükləri çıxarıb-Mamagilə görə narahat olma,
deyəcəm ki, mən istəmədim, başqa sevdiyim var,
ona görə də nişanı atdım.-dedi.
-Ayan, axı bu yaxşı olmadı.
-İstədiyin də bu deyildi, daha nə istəyirsən?
Mən özü mənim yanımda olub ağlı, ürəyi
başqasının yanında olan bir ər istəmirəm. Başa
düşürsən məni? Mən ömrü boyu sadəcə məni
düşünən, yanımda olan birini istəyirəm və elə
biri də var.
-Var?
-Hə, qonşuda bir oğlan var. Nişandan əvvəl bir
neçə dəfə qabağımı kəsmişdi, mən də demişdim
ki, sözlüyəm. O hələ də məni gözləyir, heç
olmasa məni sevir. Mamagilə də deyəcəm ki,
nişanı ona görə atmışam.
-Bəs onunla xoşbəxt ola biləcəksən?
-Səninlə ola biləcəkdim?-Əlinin susduğunu
görən Ayan kinayə ilə-Yox!-deyə başını buladı.
-Onun üçün də mənə görə narahat olma.-bir
müddət ikisi də susdu. Əli sanki yuxuda idi.
Olanlara hüç cür inana bilmir, sevincindən ağzı
qulaqlarına çatırdı.-O səni sevir?-gələn qəfil
sual onu fikrindən ayıltdı.
-Bilmirəm.-Əli yenidən qaşlarını düyünlədi.
-Heç bir qız sevmədiyi oğlan üçün canından
keçməz. Amma gör sən onu necə incitmisən ki,
onun sevgisinə də şübhə ilə yanaşırsan. Bunu
özündən soruşmasan, bilə bilməzsən ki. Mən
sənin yerində olsaydım burada bir saniyə belə
vaxt itirməzdim, sevdiyimin ürəyini yenidən
qazanmaq üçün hər şeyi eləyərdim.
-Ayan,-deyə Əli üzündə xoşbəxtlik ifadəsi onun
əllərindən tutub,-mənə necə bir yaxşılıq elədin,
bunu təsəvür eləyə bilməzsən. Bu yaxşılığını heç
vaxt unutmayacam. İnşallah o oğlanla xoşbəxt
olarsan. Çünki sən buna layiqsən. Amma məni
bağışla, mən belə alınsın, istəməzdim.
-Bilsəydim, nişanı çoxdan atardım ki.-Ayan
əllərini işarə eləyib